نيرة : حمدلله على سلامتك
منى : الله يسلمك .. اممم نيرة
نيرة : نعم
منى : انتي تعرفي أي حاجة عن والدتك
نيرة بإستغراب : ما اعرفش حاجة عنها .. حتى بابا حرق كل صورها وكان
بيتعصب لما باجي اساله عنها .. بس ليه السؤال ده ؟؟
منى : طب لو هي لسه عايشة.. هتفرحي ؟؟
نيرة : اكيييد .. انا اتمنيت انها تكون معايا علطول .. كنت بتمنى
احضنها لما اكون زعلانة علشان تواسيني
منى بحزن : نيرة يا حبيبتي انا اسفة
نيرة بإستغراب : نعم ؟؟
منى : بصراحة انا مش قريبتكم من بعيد .. انا امك
نيرة : حضرتك بتهزري ؟؟
منى : انا اسفة
نيرة وهي تنهض : بعد ازنك
~~~~
امام غرفة منى
سيون : ماطولتيش جوا يعني .. مالك ؟؟
نيرة : سيون .. انا مش فاهمة حاجة
سيون : مش فاهمة ايه ؟؟
نيرة : قالت انها امي
سيون : مدام منى ؟؟ .. انا كنت اعرف انها عندها بنت فعلا
نيرة : طب ليه ماقالتليش قبل كده ؟؟ وليه سابتني ؟ انا بجد مش فاهم..
قاطعها صوت صريخ من داخل غرفة منى
~~~~~
بعد نصف ساعة
نيرة : ايه اللي حصل لها ؟؟
سعاد وهي تبكي : ما اعرفش .. فجاه الجهاز زمر وهي وشها ازرق واغمى
عليها
نيرة : طب الكلام اللي هي قالته جوا ده صح ؟؟
سعاد : ايوا .. احنا كنا ناويين نقولك قبل كده
نيرة : ايه اللي يثبت
سعاد : صورك انتي وهيا وانتي صغيرة وصور فرحها هي وابوكي لسه موجودين
نيرة : طب هي ليه سابتني ؟؟
سعاد : فيه سبب
نيرة : ايه هو ؟؟
قاطع حديثهم خروج الطبيب من غرفة منى
سعاد : خير ؟؟
الطبيب : البقاء لله
ظلت نيرة محدقة في الطبيب قليلا ثم فقدت وعيها
~~~~
بعد مرور يومان
ايمان وهي تبكي : كانت طيبة اوي .. كانت بتعاملني كاني بنتها
دونغهي وهو يربت على كتف ايمان : اهدي .. واشربي ده
ايمان : ايه ده ؟؟
دونغهي : عصير قصب
ايمان : يا بخيل جايبلي بجنيه واحد
دونغهي : اشربي وانتي ساكتة
ايمان : الانسه نيرة منهارة وفي المستشفى .. ماكانتش تعرف انها بنتها
دونغهي : اه فعلا .. ربنا يصبرها
ايمان : يااارب
دونغهي : القصب هيسود .. اشربي بدل ما تطبي ساكتة جنبي هنا .. من
الصبح وانتي بتعيطي
ايمان : اصل انا كنت بحبها اوي
دونغهي : دي المرة الـ 18
ايمان : في ايه ؟؟
دونغهي بإبتسامة : في انك تقولي انك كنتي بتحبيها
ايمان : انا كنت بعتبرها امي التانية
دونغهي : هو انتي مابتحبيش عصير القصب ؟؟ ارميه ؟؟
ايمان : لاء هاته هشربه
~~~~
سعاد : يلا نروح البيت
نيرة وهي مستلقية على سرير المشفى : فين مايا ؟؟
سعاد : بتاخد العزا في البيت
نيرة وهي تنهض : السواق تحت ؟؟
سعاد : فيه حاجة عايزة اقولهالك قبل ماننزل
نيرة : ايه هي ؟؟
سعاد : السبب اللي خلى مدام منى تسيبك وانتي صغيرة
نيرة بشغف : ايه هو ؟؟
سعاد : والدك كان بيشتغل جنايني في قصر جدك .. وحب المرحومة .. وهي
حبته وجدك اعترض على حبهم .. وتعب فجاه وسافر برا يتعالج وفي الوقت ده جدتك جوزت
المرحومة على ابوكي في علشان تحط جدك قدام الامر الواقع .. وحملت فيكي وخلفتك ..
بعدها علطول جدك رجع من برا ولما عرف الموضوع ده طلق جدتك وبعد ابوكي وانتي عن
المرحومة .. بس هي كانت بتراقبك علطول
نيرة : ولما جدي مات هي ليه ماجتش تدور عليا ؟؟
سعاد : ساعتها ابوكي كان اتجوز ام مايا
نيرة بعد تنهيدة طويلة : ياريتها قالتلي من اول ما جيتلها
سعاد : مش هننزل بأه ؟؟ اه صحيح فيه واحد مشى السواق وقال انه هيوصلنا
نيرة : اسمه ايه ؟؟
سعاد : سيون
نيرة : طب يلا ننزل
~~~
سيون : البقية في حياتكم .. شدوا حيلكم
سعاد : حياتك الباقية .. بس هو مين حضرتك ؟؟
سيون : مستثمر
سعاد : اهلا
سيون : نيرة ؟؟
نيرة : نعم
سيون : انتي كويسة ؟؟
نيرة : الحمد لله .. ماتقلقش
~~~~
بعد العزاء
مايا وهي تعانق نيرة : شدي حيلك يا حبيبتي
نيرة : انتي كنتي تعرفي ؟؟
مايا : بصراحة اه .. ماتزعليش
نيرة وهي تتنهد : الظاهر ان انا الوحيدة اللي ماكنتش اعرف
مايا : طب خلينا نتناقش في الموضوع ده بعدين فيه واحد عايزك برا
~~~~~
سيون : انا عارف ان الوقت مش مناسب .. تتجوزيني ؟؟
نيرة : سيون
سيون : انا عمري ما هسيبك تاني ابدا
نيرة وهي تومئ : موافقه
قاطعهم صوت بكاء ايمان المزعج
ايمان وهي تبكي : منك لله يا دونغهي
دونغهي : عملتلك انا ايه دلوقتي
ايمان : ما انت اللي توهتنا ودخلتنا في اماكن غريبة بسبب الزحمة لحد
ما العزا خلص والناس مشيوا
دونغهي : انا اسف ياستي
ايمان : ودي اصرفها من انهي صيدلية ؟؟
دونغهي : صبرني يارب
ايمان : شكلنا وحش واحنا داخلين نعزي الساعة 9 بعد نص الليل
دونغهي : بعد نص الليل ؟؟ انا غلطان اني جبتك معايا اساسا المفروض كنت
سيبتك تتبهدلي في المواصلات
نيرة بصوت عالي : تعالوا يا جماعة اتفضلوا اتخانقوا جوا ماتلموش الناس
علينا
~~~~~
بعد 3 شهور .. في يوم زفاف نيرة وسيون
مايا : لولولولولولوولولولولولولولوولولولولولولولولولي
عمر : الفتي نظر الناس اكتر
مايا : فيه ايه ياعمر ده فرح اختي
عمر : قلتلك بغييير عليكي .. وقلتلك ماتلبسيش الفستان ده
مايا : ليه وحش ؟؟
عمر : المشكله انه حلو اوي ومخليكي زي القمر
مايا : يابني انا قمر علطول
~~~~~
دونغهي : هي دي ياستي قصة سيون ونيرة
ايمان : يعني سيون ماحبش غيرها طول الفترة دي ؟؟
دونغهي : اه
ايمان : صو رومانطيك
دونغهي : صو رومانطيك ؟؟
ايمان : اه
دونغهي : سمعتيها منين دي ؟؟
ايمان : من فيلم جه انبارح على ام بي سي 2 .. ياريت الاقي حد يحبني زي
ما سيون حب نيرة
دونغهي : اومال انا ايييه ؟؟
ايمان : انت دونغهي
دونغهي : انا بحبك .. ورحمة جدي بحبك يا ولية
ايمان : طيب انا هقوم اتطمن عالبوفيه
دونغهي : حسبي الله
~~~~
نيرة وهي ممسكة بمرآه وردية صغيرة : هو مش المكياج خفيف اوي ؟؟
سعاد : اه .. كده حلو اوي ومبينك زي القمر ماشاء الله عليكي .. استني
هنا هروح اجيب المبخرة ابخرك قبل ما تنزلي لا تتحسدي واوعي تنسي تقرأي المعوذتين 3
مرات في سرك زي ما قلتلك
نيرة : حاااااااضر
سعاد : حصوة في عين اللي شافك وماصلاش عالنبي
لولولوولولولوولولولولولوولولولولولوولي
نيرة وهي تضحك : صوت زغروطتك حلو اوي
سعاد وهي تعانق نيرة : الف مبروك يا حبيبتي .. لو المرحومة كانت عايشة
كانت هتفرح اوي
نيرة : الله يرحمها
سيون : ممكن ادخل ؟؟
نيرة : اكيييد اتفضل
سيون وهو يغمز : ايه ده
نيرة بإحراج : ايه ؟؟
سيون : انا لسه سايب القمر في السما من 3 دقايق .. معقول لحق ينزل ؟؟
سعاد : طب انا هروح اشوف مايا وايمان فين علشان يمسكوا ديل فستانك
سيون : اتفضلي
ثم خرجت سعاد واغلق سيون الباب واوصده
نيرة بإرتباك : على فكرة انا ممكن اشيل الديل لوحدي عادي يلا ننزل
القاعة
سيون وهو يقترب من نيرة : انا كنت مستني اليوم ده من زمان
نيرة وهي تخفض راسها بحياء : وانا كمان
ثم جذبها إليه بقوة وعانقها
مايا وهي تطرق عالباب : نيرة انتي قافلة الباب ليه ؟؟ افتحي يا حجة
سيون وهو يبتعد عن نيرة قليلا : هما جم بسرعة كدة ليه
نيرة وهي تضحك وتتجه ناحية الباب : جاية اهو يا مايا
مايا : كنتي قافلة الباب ليه ؟؟
سيون : انا اللي قفلته
مايا : ليه ؟؟
سيون : ايه السؤال الغريب ده !!
مايا وهي تضحك : سوري
نيرة بعد ان احمر خديها : ط .. طب يلا ننزل بأه
~~~~
الديجي : ياريت يا جماعة تنزلوا من عالستيج علشان الرقصة السلو
دونغهي : هترقصي ؟؟
ايمان : اه ياريت
دونغهي : ياريتني ماعرضت
حمل سيون نيرة ولف بها
دونغهي : انتي لازم تخسي علشان اعرف اشيلك والف بيكي في فرحنا
ايمان : انا كده عاجباني نفسي .. عاجبك ولا مش عاجبك ؟؟
دونغهي : عاجبني ياسطى
ايمان : ناس ماتجيش الا بالعين الحمرا
دونغهي وهو يكتم ضحكته : خاف يا عيد
~~~~~
بعد الزفاف
في بيت سيون ونيرة
نيرة : جايبلي فستان طوله 3 متر .. لو وقعت واتكسرت دلوقتي هيكون
بسببك
سيون وهو يحمل نيرة : وانا مايرضينيش انك تقعي وتتكسري
نيرة : ايه ده ؟؟
سيون : ايه ؟؟
نيرة : ايمان ومايا حطوا كوباية من المطبخ في طقم الفناجيل اللي في
النيش تخيل ؟؟
سيون : ايه الكارثة دي
نيرة : نزلني علشان اعدله
سيون : مش وقته
نيرة بخجل : طيب انا جعانة نزلني اكل
سيون : بالفستان ؟؟
نيرة : اه صحيح طب وديني الاوضة اغيره الاول
~~~~
سيون : ياساتر .. مين دي ؟؟
نيرة : ايه شفت عفريت ؟؟
سيون : انتي نعكشتي شعرك امتى ؟؟
نيرة : اصله شبك في الفستان وانا بغيره وكسلت اسرحه
سيون وهو يضحك : شكلك مسخره بشبشب ميكي ده
نيرة : رجلي وجعتني من الكعب ابو 12 سنتي اللي لبسته في الفرح اكيد مش
هلبس كعب تاني في البيت يعني
سيون وهو يقترب من نيرة : اخيرا .. بقيتي معايا
ثم جذبها اليه وقبلها
~~~~
بعد سنة
ايمان : مبروك يا نيرة .. النونة جميلة اوي
نيرة : الله يبارك فيكي يا حبيبتي عقبالك
مايا : ياغوتي ياغوتي .. يا خلاصي .. سميتوها ايه ؟؟
نيرة : اشرقت
دونغهي وهو يجذب ايمان إليه : بقولك ايه
ايمان : ايه ؟؟
دونغهي : انا عاوز ولد
ايمان : اصله بمزاجي هو
دونغهي : اتصرفي
ايمان : صبرني يارب
دونغهي : احم
ايمان : خير ؟؟
دونغهي : على فكرة
ايمان : ايه ؟؟
دونغهي : أي حاجة منك هتبقى حلوة . سواء ولد او بنت
ايمان : احم
دونغهي : خير ؟؟
ايمان : على فكرة
دونغهي : ايه ؟؟
ايمان : انا برضوا نفسي في ولد .. ونفسي يكون شبهك
دونغهي : بحبك على فكرة
~~~~~
عمر وهو يضع يده على بطن مايا : انتي هتفقسي امتى ؟؟
مايا : بعد 3 اسابيع .. فكرتني صحيح نسينا نجيب سرير للبيبي
عمر : اه صحيح .. طب يلا احنا بأه نمشي
مايا : نيرة يا حبيبتي احنا هنمشي بأه
نيرة : ليه كده لسه بدري
مايا : معلش باه فيه حاجات نسينا نجيبها للبيبي وكدة
نيرة : ماشي يا حبيبتي
دونغهي : مش يلا احنا كمان ؟؟
ايمان : بس احنا مش ورانا حاجة
دونغهي : مش انتي تعبانة وكنتي عاوزة تروحي للدكتور ؟؟
ايمان : اه صحيح .. يلا
~~~~
في بيت عمر ومايا
عمر : غمضي عينك وامشي معايا
مايا : طيب
عمر : فتحي
مايا : ايه ده الله جبته امتى ؟؟
عمر : النهاردة وانتي عند نيرة
مايا بسعادة : ربنا يخليك ليا يا حبيبي زوقك حلو
عمر : خشي افتحي التلاجة هتلاقي حاجة هتعجبك اكتر
مايا : كل دي شوكولاتة
عمر : مش عاجبك انزل منها شوية لجيراننا ؟؟
مايا : لا عاجبني عاجبني بحبك
عمر وهو يضحك : وانا كمان بحبك
~~~~~
الطبيب : مبروك يا مدام انتي حامل
دونغهي : ولد ولا بنت ؟؟
الطبيب : نعم ؟؟
ايمان : طب شبه دونغهي ولالا ؟؟
دونغهي : استني بس .. دمه خفيف ولالا ؟؟
ايمان : عنده شعر طيب ؟؟
دونغهي : بيحب عصير القصب ؟؟
وسقط الطبيب مغشيا عليه بعد ان ارتفع ضغطه
ايمان : ماله ده ؟؟
دونغهي : ما اعرفش شكله تعبان
ايمان : طب هنعمل ايه ؟؟
دونغهي : مالناش دعوة قومي نحتفل
~~~~~
سيون وهو يداعب خصل شعر نيرة : نيرة
نيرة : نعم
سيون : شكرا
نيرة : على ايه ؟؟
سيون : على انك وافقتي تدخلي حياتي تاني وعلى انك اديتيني السعادة
اللي انا حاسس بيها دلوقتي
نيرة بإبتسامة : انا كمان سعيدة اوي
سيون : انتي عارفة ؟؟
نيرة : ايه
سيون : انتي الشمس بالنسبة لي .. لما خرجتي من حياتي غربت وكانت
الدنيا ضلمه .. ولما رجعتي حياتي تاني الشمس اشرقت
نيرة : انا بحبك اوي
سيون : وانا بحبك اكتر
النهاية
~~~~
اتمنى تكونوا استمتعتوا بالروايه وانتظروني في روايه جديده بعنوان الكرسي المتحرك قريب جدا ان شاء الله
مرام محمد
ياربي تحففففففففففففففففه بجد يا قلبي
ردحذفو دونغهي و ايمان مسخره موتوني ضحك
القصة حلوة اوى
ردحذفتسلمى
شخصية دونى و ايمان فضيحة
ايما : صو رومانطيك
دونى: اومال انا ابقى اية؟؟
ايمان : انت دونجهى
دونى : و رحمة جدى بحبك يل ولية
ايمان: طب انا رايحة اطمن على البوفيه
دونى حسبى الله
بجد كمسامنيدا على القصة دى
سارانجهية