وكعادة سعاد .. جالسة امام العناية المركزة تندب حظ سيدتها ( يا حصره عليكي يا حبيبتي .. ده انتي لسه في عز شبابك ياختي )
الى ان اخبرها الطبيب ان منى استيقظت ويمكنها الدخول لها
~~~~
سعاد : الف حمدلله على سلامتك ياست منى
منى بصوت يكاد يكون مسموع : الله يسلمك .. سعاد
سعاد : عينيا
منى : انا خلاص حاسه اني في اواخر ايامي ومش قدامي كتير
على اني اموت
سعاد : ماتقوليش كده بعد الشر عليكي
منى : انا عارفة .. عايزة اطلب منك طلب
سعاد : اتفضلي
منى : كلمي نيرة بسرعة وخليها تيجي
سعاد : هتقوليلها ؟؟
منى : لازم تعرف انها بنتي قبل ما اموت
~~~~
عمر : احم
مايا : احمين
عمر : وحشتيني
مايا : انت اكتر
عمر : كده ما اشوفكيش لمدة اسبوع كامل ؟؟
مايا : كلها شهر وهنكون مع بعض علطول
عمر : يااارب بأه .. انا قربت اخلل .. 3 سنين خطوبة كتير اظن اننا اكتر ناس فضلوا مخطوبين
مايا : لاء فيه اكتر مننا
عمر : مين ؟؟
مايا : فوزية وحنفي
عمر : حسبي الله
~~~
في الشركة
سيون : ايه ده ؟؟
دونغهي : ايه ؟؟
سيون : الشتا لسه ماجاش وانت لابس كوفيه ؟؟
دونغهي : اصلها هدية وكدة
سيون : مين ؟؟
دونغهي : احم
سيون بإبتسامة : شكلها ايمان والله اعلم
دونغهي : هي ياخويا
سيون : ايمان محترمة .. ماتحاولش
دونغهي : لا انت فاهم غلط .. احساسي ناحيتها مختلف
سيون : يا راجل !!
دونغهي : اجيب مصحف احلف لك عليه ؟؟
سيون : لا مصدقك .. اقعد
دونغهي : المهم ايه سر الانشكاح اللي انت فيه ده علشان طلقت ريم ؟؟ ولا علشان وضع الشركة اتحسن ؟؟ ولا علشان بقيت تشوف اللي بالي بالك كل يوم ؟؟
سيون : التلاته .. بس حاسس بالذنب ناحية ريم شوية
دونغهي : ليه ؟؟
سيون : كانت حامل
دونغهي وهو يربت على كتف سيون : المكتوب على الجبين لازم تشوفه العين .. ده قدركوا .. ممكن كان يطلع ابن عاق ولا حاجة
سيون : ماشي ياخالتي ام توفيق
دونغهي بجدية : الا قول لي
سيون : نعم ؟؟
دونغهي : انت لسه بتحبها ؟؟
سيون بعد تنهيدة : انا ماحبيتش غيرها .. نيرة كانت اكسجيني
دونغهي : طب ما تفاتحها
سيون : تفتكر هيبقى ايه رد فعلها
دونغهي : نيرة رقيقة مش هتديك بالبوكس ماتخافش
سيون : لا بجد
دونغهي : اول ما اتعلم اقرأ الطالع هقولك
سيون : امشي ياض من قدامي
دونغهي : طيب طيب ماتزقش
~~~~
امام الشركة
سيون : انتي بتتاملي في الزحمة ؟؟
نيرة بإبتسامة : لا مستنية السواق
سيون : طب تحب اوص... قاطعه صوت هاتف نيرة
نيرة : الو .. فاقت ؟؟ .. الحمد لله .. حاضر هاجي حالا
سيون : مدام منى ؟؟
نيرة : فاقت الحمد لله
~~~
سيون : انتي اتغيرتي جدا
نيرة : ازاي يعني
سيون : بقيتي اجمل
نيرة بخجل : شكرا .. وانت كمان اتغيرت
سيون : فعلا انا اتغيرت .. بس لسه قلبي زي ماهو
ثم وضع يده على يدها
نيرة وهي تسحب يدها : سمعت انك طلقت ريم
سيون : اه .. فعلا
نيرة : عايز لعبة جديدة ؟؟
سيون : نعم ؟؟
نيرة : انت فاهمني كويس
سيون بإحباط : نيرة .. اقسملك ان انا ماحبيتش غيرك
نيرة : كداب .. لو كنت بتحبني فعلا ماكنتش رحت اتجوزت ريم
سيون : هو انتي فاكرة ان انا اتجوزتها علشان بحبها ؟؟
نيرة : انا عارفة ان ماحدش يقدر يضغط عليك خصوصا في الموضوع ده
سيون : فعلا .. بس
نيرة بحدة : بس ايه ؟؟
سيون : بس في الوقت ده الشركة كانت تقريبا بتنهار ماكانش قدامي حل غير ده .. وانتي عارفة ابو ريم يبقى مين
نيرة بعد تنهيدة طويلة : طيب
سيون : طيب ايه ؟؟
نيرة وهي تضع يدها على رأسها : انا مصدعة لو سمحت وقف العربية علشان اجيب بنادول
سيون : لسه زي ما انتي .. مبدعة في انك تغيري الموضوع
نيرة : سيون .. انت فعلا لسه بتحبني ؟؟
سيون : انا اقسمتلك
نيرة : امممم .. على فكرة انا كنت دايما بقنع نفسي ان مابقاش فيه جوايا مشاعر ليك بس الحقيقة انك كنت دايما في قلبي وكنت بشوفك علطول وانا نايمة .. و وانا صاحية .. انا ماعرفتش انساك .. بس كنت بتدعي اني نسيتك
سيون : ماينفعش ترجعيلي ؟
نيرة : مش عارفة .. خليني افكر
سيون : وصلنا .. اتفضلي
~~~~
نيرة : حمدلله على سلامتك
منى : الله يسلمك .. اممم نيرة
نيرة : نعم
منى : انتي تعرفي أي حاجة عن والدتك
نيرة بإستغراب : ما اعرفش حاجة عنها .. حتى بابا حرق كل صورها وكان بيتعصب لما باجي اساله عنها .. بس ليه السؤال ده ؟؟ 
عااااااااااااااا
ردحذفيعنى جتى على الحتة المهمة ووقفتى
انا انجلط
كمليها بسرعة بقى
و الا ....
خلى بالك انا لما بتعصب بتحول
احم احم
فايتنج بقى و كدة
ههههههههههههههههههههههههههههه ما طبعا لازم اقف عند الحته المهمه علشان اشوقكوا للبارت الجاي
حذفان شاء الله هيكون الجاي هو الاخير
انتظريني وكده =D