ريم وهي تحادث والدتها في الهاتف : ماما تعاليلي حالا
والدة ريم : فيه حاجة ؟؟
ريم : اه .. مش عارفة مالي تعبانة من الصبح
والدة ريم : طب انا جاية
بعد نصف ساعة
والدة ريم : حاسة بإيه ؟؟
ريم : دماغي بتلف و
ثم احست بغثيان وركضت الى دورة المياه وتقيأت
والدة ريم بفزع : البسي .. هنروح للدكتور حالا
ريم بصوت متقطع : مش قادرة يا ماما .. حاسة ان روحي بتطلع
ثم غابت عن الوعي
في المشفى
الطبيب : مبروك المدام حامل
والدة نيرة بسعادة غامرة : الف مبروك يا حبيبتي .. اخيرا
ريم بسعادة : ايوا يا ماما اخيرا .. انا فرحانة اوي
الطبيب : بس لازم ترتاحي وماتجهديش نفسك
ريم : حاضر يا دكتور
والدة ريم : هروح اتصل بسيون اقول له الخبر الجميل ده
ريم وهي تمسك بمعصم والدتها : لا
~~~~
بعد مرور اسبوعين
ايمان وهي تحزم امتعتها بحزن : الاسبوعين عدوا كانهم ثانيتين يا انسة
نيرة .. مالحقناش نتمتع بجمال كوريا
نيرة : معلش بأه .. ان شاء الله هنعوضها مرة تانية
ايمان : بس ياريت المرة الجاية تكون سياحة مش شغل
نيرة بإبتسامة خفيفة : اه فعلا ياريت .. انا عاوزة اخد ريست سنتين بعد
الاسبوعين المتعبين دول
ايمان : اه والله .. على رأيك
~~~~
في المطار
دونغهي : ايه رأيكم نشرب قهوه ؟؟
سيون : وياريت سكرها يكون زيادة
التفتت نيرة لـ سيون ثم ابتسمت ابتسامه شاحبة
فلاش باك 5 سنين
سيون : انا عايز اشرب قهوه
نيرة بمكر : هعملهالك انا
سيون : وياريت تكون سكر زيادة
نيرة : اوك
بعد 10 دقائق
نيرة : اتفضل .. قهوتك
رفع سيون الكأس ليحتسي قهوته .. وفجأه احمر وجهه وتوسعت عيناه وبصق
القهوه ثم سعل
سيون بصوت مبحوح : ايه اللي انتي عملتيه ده
نيرة بحدة ممزوجة بدلال : عايز تفهمني انك مش عارف ؟؟
سيون : لا ما اعرفش قولي
نيرة : شكلك كنت ناوي تخبي عني انك خرجت مع ريم
سيون : آآآه .. دي كانت خروجة شغل ماتفهميش غلط
نيرة : لحظه كده .. هعمل نفسي مصدقه
سيون وهو يرفع حاجب : شكلك مش مصدقه
نيرة : لا مش مصدقه اثبت لي
ابتسم سيون ابتسامه شاحبه قليلا وحاول ان يداريها لكي لا تلاحظها نيرة
نيرة : ايوا يعني افهم من كده ايه ؟؟
سيون وهو يقترب من نيرة بحركة سريعة ويضع يده على ظهرها ويقبل جبينها
: انتي الوحيدة اللي في قلبي
~~~~
دونغهي : وانتي يا انسه نيرة تشربي ايه ؟؟ انسة نيرة ؟؟ يا انس..
نيرة : هاه ؟؟
دونغهي وهو ينظر لـ سيون بمكر : مين اللي واخد عقلك
نيرة بخجل : معلش اصلي مانمتش انبارح كويس
ايمان في داخلها : مين اللي كانت مغمى عليها جنبي انبارح .. سبحان
الله
دونغهي : طب هتشربي قهوة ؟؟
نيرة : ماشي
دونغهي : والحجة ؟؟
ايمان : هاه ؟؟
دونغهي : والاخت ؟؟
ايمان : قهوة زيكوا
دونغهي وهو يضع قدم فوق الاخرى : خلاص كلنا هنشرب قهوة على حساب ايمان
ايمان في داخلها : اشوف فيك شهر
دونغهي : هتفضلي مبحلقه فيا كده كتير ؟؟
ايمان بإحراج : لاء قايمه اهو
~~~~
منى وهي تحاول النهوض بصعوبة : هي نيرة اتاخرت ليه يا سعاد ؟؟
سعاد : زمانها جايه
مايا وهي تركض بسعادة : يا جماعة نيرة وصلت
منى بسعادة : ساعديني في اني اقوم يا سعاد
سعاد : خليكي يا مدام منى علشان ماتتعبيش
منى : لا انا عايزه استقبلها
بينما تساعد سعاد منى فقدت منى وعيها
~~~~~
في المستشفى
مايا في داخلها : اقول لها اللي سمعته ؟؟ لاء عمر قال لي ما اقولهاش
.. بس هي لازم تعرف دلوق..
نيرة وهي تنهض سريعا : طمني يا دكتور ؟؟
الطبيب وهو يحك انفه : الحالة حرجة جدا .. ومش هينفع تخرج دلوقتي
نيرة بفزع ممزوج بحزن : ليه ؟؟
الطبيب : لانها ماعملتش العمليه حالتها اتدورت .. العمليه كانت ضروريه
جدا
نيرة : اقدر ادخل لها ؟؟
الطبيب : للاسف ماينفعش .. لما حالتها تتحسن هتقدري تشوفيها
نيرة وهي تنظر للارض : شكرا
الطبيب : بعد اذنك
سعاد : دلوقتي يا انسه نيرة انتي المفروض تنزلي الشغل لحد ما حالة مدام
منى تتحسن
نيرة وهي تجلس وتضع يدها على رأسها : انتي بتتكلمي ف ايه دلوقتي
سعاد وهي تربت على كتف نيرة : معلش .. بس ماينفعش تهملي شغلها على
الاقل علشان لما تفوق تلاقي حاجة تسعدها
نيرة بعد تنهيدة حزينة : ماشي .. من بكره هنزل الشغل
سعاد : شكلك تعبانه اوي .. هروح اجيبلك حاجه تبلي ريقك بيها
مايا : هروح معاكي اجيب اكل لانني جعانه
في منتصف الطريق الى الكافيتيريا وقفت مايا امام سعاد
سعاد : انتي بتتاملي فيا ؟؟
مايا : ناويين تخبوا عليها لحد امتى ؟؟
ليست هناك تعليقات:
إرسال تعليق