At Gwanghwamun part 8

المدير: البقية في حياتكم

هانا وقعت على طولها مغمى عليها

بعد ساعة هانا بتفتح عنيها

ووكي و ميني وقفين قدامها و هما ماسكين دموعهم بالعافية    

ووكي و صوتو مخنوق: انت كويسة

هانا من غير اي تعبير على وجهها بتهز براسها (اه)

هانا ببرود: انا عايزة ادخل عندو، خدوني عند شيون، في كلام لازم اقولو

ميني و هو كاتم العياط: بالراحة بس يا هانا ممكن الدكاترة......

المدير قاطعو: انا هاخدك عندو يا هانا، تعالي معايا

هانا مسكت في ايد المدير و راحت معاه للاوضة الي كان فيها شيون

دخلت من غير ولا كلمة، قعدت جنب منو، و مسكت ايدو، حطت راسها عليه و اخذت تعيط بحرقة شديدة اوي

بعد شوية طلعت من الاوضة من غير ولا كلمة

-

برى كان ووكي و ميني يكلمو المدير

ووكي: مراسيم الدفن هتتعمل هنا؟

المدير: انا كلمت ابوه، و هو عايز الدفن يكون عندو في امريكا

هانا جات عليهم باين عليها التعب: عايزة اخرج من هنا، مش قادرة اخذ نفس

ميني و ووكي اعصابهم منهارة

المدير: ممكن يا ريووك تاخذ هانا المركز، انا هكمل اجراءات المشفى و ارسال الجثة

ميني بعصبية: مش هاممني الجثة تبعتت ولا لا، انا هعملو مراسم هنا، مش هسيب صاحبي يمشي بالطريقة دي

ووكي: انت معاك حق اصلا....

هانا من غير ولا تعبيرقاطعتهم: حد يطلعني من هنا، بلييييييز

ووكي بيبص لميني مستغرب: حاضر يا هانا تعالي معايا

هانا و هي طالعة اغمى عليها قدام باب المشفى

ووكي: هانا هانا اصحي، هانا اصحي

---

في غرفة الفحص

الدكتور: البنت حامل

المدير: حامل؟؟؟

الدكتور: باين ان حملها عن جديد، لازم اعملها فحوصات اكتر

المدير: اعمل الفحوصات الازمة و ابقى قولي النتائج اول باول يا دكتور

الدكتور: هي هترتاح دالوقت على المهدئات الي اخذتهم،و انا هرجع اشوفها بعدين، بس لازم تكلم حد من اهلها عشان جسمها ضعيف و خايف يحصلها حاجة لا قدر الله

المدير: انا هتصرف ولا يهمك

--

المدير قاعد عالكرسي الي جنب و صافن يطلع فيها، فجأة طلع التلفون

اتصل بوالد هانا و حكالو ع الي حصل

والد هانا: انا جاي على اول طيارة، هحاول اكون هناك في اقرب وقت

المدير: انا كمان شايف ان ده انسب حل

والد هانا: بليز، حاول تخلي بالك منها لحد ما اوصل، انا خايف من ان الي حصل لما توفت امها يتكرر و يحصل تاني

المدير: حاضر يا استاذ، انا هخلي بالي منها

--

اليوم التالي

هانا اول ما فتحت عنيها

والد هانا: انت صحيتي يا حبيبتي

هانا متفاجأة: بابا؟؟

والد هانا: انا جنبك يا حبيبتي ، انت كويسة دالوقت؟خضتيني عليكي

هانا مخضوضة و حاسة بدوخة: انا فين؟؟ شيووون

والد هانا: بالراحة

هانا: المراسم اتعملت؟؟ ( بتحاول تقوم و هي ديخانة عالاخر) لازم الحق اودعو

والد هانا: بالراحة انت تعبانة دالوقت

هانا و كأنها مش سامعة حاجة ولا حاسة بحاجة: شيوووون، انا لازم الحق المراسم، لازم الحق...

والد هانا مسكها من اديها و يحاول يفوقها: هانا انا خاخذك، اهدي انت بس ماشي؟

--

هانا وصلت المكان الي بيعملو فيه المراسم

قعدت في الزاوية من غير ما تنزل دمعة

ميني و ووكي راحو عندها شايفينها في عالم تاني

ميني: هانا انت كويسة؟

هانا بتهز براسها اه

ووكي بيطبطب على راسها

ميني: افتكري ان ليكي اخوات هنا، و عمرنا ما هنسيبك 

هانا ما تكلمتش ولا كلمة و رمت نفسها في حضن ووكي الي كان يطبطب عليها

بعد انتهاء المراسم

--

هانا في العربية

هانا بتبص ناحية الشباك و كأنها في عالم تاني: انا مش هبقى هنا

والد هانا: ايه؟؟ و علاجك؟

هانا: مش هكمل علاج

والد هانا وقف العربية بعصبية: يعني ايه مش هتكملي العلاج بعد ما قربنا نشوف النتيجة، انت هتنسحبي، انت ضعيفة للدرجة دي

هانا و هي خالية من الاحساس بنظرة فاضية و هدوء: اه انا ضعيفة، انا بنت مش كويسة، بنت بتثير الشفقة

بباها بصلها و هو شايف وجع كبير اوي ورا النظرة الباردة الي كانت في عنيها

حاول يقنعها تكمل علاجها بس هانا يبست راسها و في  الاخير استسلم و رجعها معاه فرنسا

--

 في باريس--

عدت ايام و هانا عايشة في دنيا تانية خالص عن الدنيا

الجد: حرام الي بتعمليه في نفسك يا بنتي

هانا: رمت بنفسها في حضن جدها من غير ولا كلمة

الجد: انا قلقان عليكي يا بنتي، انا قلبي يتقطع كل ما شوفك كده

هانا: انا كويسة، ما تقلقش نفسك

الجد: انت بتكذبي عليا ولا على نفسك

هانا و هي تنفخ: عايز اعملك ايه عشان تصدق اني كويسة

الجد: المشكلة انك ما تعمليش حاجة، انت حتى العياط ما عيطتيش، كاتمة كل حاجة في قلبك و قاعدة، انت....

هانا قاطعتو: انا نعسانة

الجد: شايفة ازاي، كل الي بتعمليه النوم، و يا ريتك تنامي زي الخلق كلها 5 دقايق و تقومي مرعوبة و صراخك يملى البيت كلو، يا بنتي انا عايزك تشغلي نفسك بحاجة تلهيكي كفاية كده د انا قلبي يتقطع كل ما شوفك في الحالة دي

هانا: اعمل الي انت عايزو، و انا جاهزة. سيبني انام بس دالوقت 

هانا نامت بس بعد كام دقيقة قامت تصرخ و كان سكينة مغروسة فيها

الجد جرى عندها و حضنها يهديها بس هانا تتوجع و تضرب ناحية قلبها

--

اليوم الي بعدو الصبح

الجد: انا خايف عليكي يا بنتي و عايزك تلتهي بحاجة، ايه رايك ترجعي تروحي الجامعة

هانا و هي في عالم تاني: اممممم الي انت شايفو

و فعلا هانا ابتدت تاخذ الكورسات، بس وجودها في الفصل زي عدمو

في يوم --

الاستاذ: هانا انت لو كل مرة تكوني عاملة كده فالاحسن انك ما تجيش اصلا

هانا نو رياكشن

الاستاذ: انا عارف ان ظروفك صعبة اليومين دول، بس عالقليلة حاولي تتجاوبي معانا، انت كده بتصعبي الموضوع على اصحابك كمان

هانا من غير ولا كلمة طلعت من الكورس

الاستاذ وراها: رايحة فين

هانا: عايزة اشم شوية هوا مخنوقة 

هانا واقفة عالباب و هي ترتعش حاسة انها مش قادرة تاخذ نفسها 

غمضت عنيها شوية و تمالكت اعصابها

طلعت عالجنينة و قعدت على كرسي غمضت عنينها وتاهت في افكار تاخذها و تجيبها

فجـأة سمعت صوت مش غريب عليها

واحد جاي عليها و حضنها: هانا، انا مش مصدق عيني

هانا: دووني؟

دوني: لسه فاكرة صوتي

هانا حضنتو جااامد

دوني: انت كويسة؟؟، بعدين انت تعملي هنا ايه

هانا من غير ما تحس اخذت تعيط

دوني بيطبطب عليها: هو في حاجة حصلت

هانا و هي تتكلم بالعافية من كثر العياط: ميني و ووكي ما قالولكش

دوني ابتدا يحس بخوف: انا بقالي شهر ما كلمتش حد من الشلة، وقتي موزع بين فريق الكورة و الجامعة، هو في حاجة حصلت؟؟

هانا حاولت تمسك نفسها بعدن عنو و مسحت دموعها

دوني: انت قلقتيني، في حاجة حصلت انا ما اعرفهاش O .o

هانا و هي بتجز على سنانها عشان ما تعيطش تاني: شيوون مات

دوني ايديه بترجف: ايه؟؟ انت بتقولي ايه؟ ازاي،امتى ( و اخذ يبكي زي العيل الصغير)

هانا بقيت معاه مش عارفة تواسيه ولا تواسي نفسها و هو نفس الشي

هانا جربت تحكيلو ازي حصل الكلام ده بالتقريب

هانا و عنيها مليانين دموع: انت بتكرهني دالوقت صح، انا البنت الوحشة الي مات صاحبك بسببها، انا اسفة بجد...

دوني قاطع كلامها: انت بتقولي ايه، انت ما لكيش ذنب في الي حصل

هانا: لولا اني....

دوني: اللي حصل ده مش بسببك يا هانا، شيون اصلا كان تعبان

هانا برقت عنيها: تعبان؟؟

دوني: شيون كان عندو ثقب في قلبو، عشان كده طول عمرو قلبو ضعيف، فما تفكريش انو

دوني ما خلصش كلامو لاقى هانا مغمى عليها

دوني: فوقي يا هانا

--

جد هانا في استقبال المشفى يسأل عن اوضة هانا

اول ما دخل لاقى دوني قاعد جنبها

الجد بقلق: هانا بنتي

دوني: هي نايمة دالوقت، الحمد لله هي كويسة

الجد: انت مين يا ابني

دوني: انا رفيق هانا كوريا

الجد: شكرا يا بني لانك بقيت جنبها

دوني و هو باين عليه الحزن: ده واجبي

الجد: هو انت كنت تعرف شيون

دوني عنيه دمعو: كان صاحبي

الجد حضن دوني و طبطب عليه

في الوقت ده هانا فاقت

الجد: انت كويسة يا حبيبتي

دوني: عاملة ايه دالوقت

هانا ببرود: انا كويسة

دوني: انا لازم اطلع د الوقت عشان ممنوع افوت حصص التدريب، همر عليكي بكرى اكيد يا هانا ماشي

هانا: اممممم

في الوقت اللي دوني طلع من الاوضة الدكتور دخل

الجد ارتبك اول ما شاف الدكتور راح مسكو من ايدو و طلعو برى

الجد: طمني يا دكتور، هي كويسة

الدكتور: ما تخافش، الاغماء حاجة طبيعية للمرأة الحامل

الدكتور: يعني صحتها كويسة

في الوقت ده قاطعهم حد

...:  اخبارك ايه يا استاذ

الجد: انا كويس الحمد لله، انت عامل ايه يا ابني؟

الدكتور: انت تعرف الدكتور كيوهيون

كيو: الاستاذ من الغوالي عندي يا دكتور

الدكتور: طب انا اسيبكم ورايا مرضى تانيين، و مثل ما قلتلك، دي نتيجة طبيعية للحمل ، هبقى امر عليها وقت تاني

كيو: هو مين اللي في المشفى

الجد: هانا بنتي

كيو برق عنيه: يعني هانا الحامل

الجد: اه بس هي لسه ما تعرفش بالموضوع

كيو: ده كان سبب الغاء عمليتها

الجد: لا السبب تاني

كيو اخذ الجد على الكافيتيريا و خلاه يحكيلو القصة

كيو: بجد البنت دي عانت اوي، بس انا هحاول معاها تاني، و اجرب اقنعها بالعملية

--

في نفس الوقت هانا كانت في الاوضة سرحانة و في دنيا تانية خالص

…المساء

الجد: انا هبقى معاكي هنا

هانا: ما فيش داعي، انا اصلا مش فاهمة مخلييني هنا ليه

الجد: معلش يا حبيبتي كلها ليلة بس، بعدين نحن عايزين نطمن عليكي

هانا: طب انت كمان روح البيت عشان ترتاح، انت اكيد تعبت اليوم

الجد: انا كويس

هانا و عنيها مليانة دموع: مش عايزة يوجعني قلبي عليك انت كمان، لوحصلك انت كمان حاجة بسببي انا هموت

الجد:ايه الي انت بتقوليه ده يا حبيبتي، بعد الشر عليكي

هانا: طب انت روح استريح في البيت، و الصبح ابقى تعال خذني معاك

الجد: حااضر، طب عايزة حاجة قبل ما امشي

هانا: سلامتك

الجد كان طالع 

هانا: جدووووو

الجد: عيون جدو

هانا: انا اسفة اني بتعبك معايا، انا بحبك اوي

الجد: انت بس قوميلي بالسلامة و انا مش عايز حاجة من الدنيا دي كلها

--

الساعة واحدة بالليل

كيو بيغمز: بقينا لوحدنا هنا، تيجي نلعب لعبة الكشف الطبي

...: اييييش، ممكن حد يشوفنا

كيو مسكها من ايدها: تعالي معايا انت بس

في كورودور الطابق الاخير

كيو بيبوس في واحدة، مد ايدو يفتح زراير القميص

...: انا خايفة حد يلقطنا

كيو: ركزي انتي معايا بس

...: ماشي و راحت تبوسو هي التانية

كيو بيمد ايدو تحت التنورة و البنت فتحت سوستت البنطلون

فجأة كيو بعد عنها

البنت وقعت

البنت: يااااا يا حقير انت رايح فين

كيو: سوري نكمل لعب وقت تاني

كيو رايح في الكوردور يتبع ظل حد

لحد ما وصل عالسطوح

كيوبيكلم نفسو: انا مش غلطان هي هانا صح

هانا واقفة على حافت السطوح

هانا: بياني شيون، بس انا مش هقدر اكمل من غيرك اكتر من كده

هانا غمضت عنيها و رايحة تنط من السطح

لقت ايد تمسكها جامد عندها

كيو: هو انت مجنونة؟ ازاي تفكري انك تقضي على حياتك بالطريقة دي

هانا اخذت تبكي بطريقة هيستيرية بين ذراع كيو

هانا بتعيط و تضرب كتاف كيو: انت مين سمحلك تدخل في حياتي، انا اصلا ما استاهلش اني اعيش، انا اسوء واحدة في الدنيا كلها

كيو بيحاول يهديها بس هانا مش راضية تهدى كانت اللحظة الي هانا بتطلع فيها كل اللي جواها

هانا: انا كنت وحشة اوي معاه، انا حتى ما عرفتش انو بيعاني زيي و اكتر، انا ازاي ما اخذش بالي من وجعو كده

هانا بتمسح على شفايفها و تعيط بحقة شديدة: انا ما استاهلش انو يحبني بالطريقة دي، انا الي كنت سبب موتو

كيو بيحاول يحضنها و يهديها و هو حاسس ان وجعها كبير اوي

هانا: انا ازاي هعيش بالوجع ده ، كل ثانية احس اني بنضرب بالف سكينة في  قلبي

هانا بعد ما خارت قواها عالاخرابتدت تهدا بين ذراع كيو

هانا و قوتها ضعيفة و صوتها منهار: ما عنديش حاجة انا عايزة اعيش عشانها، بجد انا عايزة اموت و اخلص من الوجع ده

كيو: انت مش هاممتك حياتك ماشي، بس  الي في بطنك ذنبو ايه

هانا برقت عنيها

كيو: ثمرة حبك دي عايزة تخلصي منها ليه

هانا مبرقة: بطن مين؟؟

كيو: انت حامل يا هانا

هانا: انت بتقول ايه؟ و بعدين انت ايه اللي عرفك

كيو خبرها انو الدكتور الي كان هيعملها العملية و ازاي عرف و كده

هانا فضلت قاعدة عالسطح بعد ما عرفت انها حامل، كانت قاعدة سرحانة تفكر في وضعها الجديد

و كيو قاعد على جنب يطلع عليها لحد ما الصبح طلع

فجأة هانا قامت عشان ترجع تنزل الاوضة، كيو راح يساعدها

هانا: انت لساتك هنا

كيو: اخليكي لوحدك ازاي بعد اللي حصل امبارح

هانا: ممكن اطلب منك طلب

كيو: اتفضلي

هانا: ممكن تخلي الي حصل هنا سر، اوعدك اني مش هفكر في اني اعمل كده تاني ابدا

كيو: طب ممكن انا اطلب منك طلب

هانا مستغربة: ايه؟؟

كيو: ممكن تفكري في انك تعملي العملية تاني

هانا بان عليها الحزن

كيو بيلعب بشعرو: طب اغير الطلب

هانا: عايز ايه كمان

كيو: ممكن نكون صحاب

هانا ابتسمت ابتسامة صغيرة: اوكيش

كيو: قشطات

كيو و هانا يمشو في المشفى و كل الي يمرو عليهم يضحكو

كيو: ايه الناس الغريبة دي عالصبح

هانا: مالك؟

كيو: ناس هبلة، كل ما نمر على واحد يضحك و كاننا بهلوانات

عيل صغيربيشد كيو من المأرز: عمو عمو

كيو: عايز ايه

العيل: ممكن تقفل سوستت بنطلونك عشان مامي بتقول ان المشي بيها كده عيب

كيو عصب

هانا ابتسمت

كيو بص على ابتسامة هانا و ابتسم هو التاني و قفل البنطلون

لما دخلو الاوضة لاقو جد هانا

الجد: ايه يا هانا كنت فين، قلقتيني عليكي

هانا ارتبكت

كيو: انا خذتها تشم شوية هوى، اسف اني قلقتك عليها

الجد: مدامها كانت معاك فانا مطمن

هانا حضنت جدها و الدموع مالية عنيها: انا اسفة يا جدو، انا كل مرة بقلقك عليا، بس من هنا ورايح انا هحاول اكون كويسة عشانك و عشان (حطت ايدها على بطنها) ابني.

الجد اتفاجأ و بص على كيو

كيو طمن الجد بنظراتو

هانا: انا من هنا و رايح هكون هانا تانية عشان الامانة الي سابهالي..

كيو قاطعها: دي هي هانا الي كنت معجب بشخصيتها اول مرة قابلتها

بعد عدة اسابيع في الجامعة

دوني بيصرخ و يجري في الجنينة: هانا يااااا هاااااانا

هانا: مالك يا اهبل

دوني و نفسو قاطع عشان الجري: بصي بصي انا اشتريت ايه للبيبي

هانا بتتحسس باديها: ايه ده

دوني: دي بدلة foot ball

هانا بتضحك عليه: يا ابني نحن لسه ما اعرفناش جنس البيبي ايه و انت كل دقيقة بتنطلي بهدية شكل، ارحم نفسك يا اخي

بنت معصبة جاية عليهم

البنت: يا سلام، انا بقالي ساعة مستنياك عشان نبتدي المشروع و انت قاعد تتنطط هنا و هناك

هانا بتوشوش دوني: اهي لقطتك

دوني: بالراحة بس يا هدى انا كنت لسه جايلك حتى اني كنت بقول لهانا عليكي

هدى مسكتو من اذنو: انا الهبلة الي حطيتك معايا في المشروع

هانا: اهو لقيت حد يريحني منك الحمد لله

تلفون هانا رن

هانا: الو

كيو: انا مستنيكي برى الجامعة

هانا: ماشي انا جاية اهو

دوني: ده الدكتور الرخم صح

هانا: هشش عيب تقول عليه كده

دوني: هااه دي الحقيقة

هانا بتبتسم من تصرفات دوني: انا رايحة سلام

دوني: استني هوصلك

هدى مربعة اديها و ضربة برجلها عالارض: ما فيش امل فيه

دوني وصل هانا العربية بتاع كيو

كيو: انيو دوني

دوني بصلو بصة لئيمة و حط اصابيعو على عينيه : انا مراقبك

كيو في العربية: نروح المشفى على طول ولا نشرب حاجة اول

هانا: خلينا نروح المشفى

كيو: خايفة من العملية؟؟

هانا: مش مسألة خايفة ولا لا، بس الموضوع ده

كيو: بتفكري فيه صح؟

هانا متأسفة و باين عليها الحزن: انا كنت ..

كيو غير الموضوع: ايه الي فايدك ده

هانا: دي هدية دوني

كيو: هو مش هيبطل شغل العيال ده

هانا: دوني متشوق اوي

كيو: مدي ايديك على الكرسي ورا

هانا: ايه ده

كيو: افتحيه

هانا: لعبة؟؟؟ هههههههه

كيو بيلعب بشعر راسو: ما قدرتش اقاوم لما شفتو

هانا : كومااو

كيو: سيبي الشكر بعد ما تفتحي عنيكي تاني

بعد اسبوع

الجد: العملية اخذت وقت كتير

والد هانا: خليك متفائل

كيو طالع من العملية: الحمد لله العملية مشيت تمام و ما حصلش اي مضاعفات، باقي نستني النتيجة بعد اسبوعين بس

دوني: اسبوعين؟؟؟ ده وقت كتير اوي

كيو: لازم عينها تاخذ وقتها في العلاج اول

مر الاسبوعين و كأنهم سنتين على الكل

الصبح كان الكل متجمع قدام سرير هانا

كيو بينزع الضمادات عليها بالراحة

هانا ابتدت تفتح عنيها من غير اي رد فعل

الكل متشوق يعرف النتيجة

هانا قامت و راحت حاضنة جدها و بباها جامد

هانا: اخيرا حلمك في اني اشوف تاني اتحقق

الكل تنفس الصعداء

دوني: هيييح اخيرا هتقدري تشوفي الهدايا الي انا جايبهم

هانا: راحت جهتو و شدتو من وذنو

دوني: آآآي آآآي آآي

هانا حضنتو : كومااو لانك باقي جنبي

كيو بيبصلهم بصة لئيمة

هانا راحت اتجاه كيو

هانا ابتسمت لكيو: كووماو

كيو لعب في شعرو

حد دخل عليهم الاوضة

دوني: انت ايه الي جابك بس

هدى: انا اكيد مش جاية عشانك، انا اسفة حبيبتي هانا ، وصلت متاخرة ، هو انا فوت حاجة

دوني: -.-  البنت دي هبلة ولا هبلة، هو في حد في موقف زي ده يقول انا فوت حاجة

هدى مبرقة عنيها: الا صحيح، نجحت العملية؟

هانا بتضحك و اتجهت نحوها مسكتها من رقبتها و لعبت بشعرها: انت اجن بنت انا شفتها

هدى :p

بعد 5 سنوات

هدى عنيها مليانة دموع: بجد قصتهم محزنة اوي، انا بقالي كذا سنة اعرف هانا بس دي اول مرة اسمع قصتهم بالكامل

دوني: يا حنين انت

هدي تضربو على كتفو: ياااااااااا مش وقتك

دوني: حبيبتي وصلت اهو

هدى: ايوه يا عم يعني اطلع منها انا دالوقت

دوني بيغمزلها: الغيرة ابتدت تشتغل ولا ايه

هانا و كيو جايين عليهم من بعيد