ايمان : قلتلي البرفان ده بكام بأه ؟؟
دونغهي : يخربيتك افصلي شوية
~~~~~
بعد اربعون دقيقة
سيون بحزن : فاكره المكان ده ؟؟
نيرة بعد تنهيدة طويلة : النافورة الموسيقية .. سيول
سيون : انا نفذت وعدي اهو
نيرة : اه نفذت وعدك
سيون : انتي كمان لسة على وعدك ؟؟
نيرة : أي وعد ؟؟
سيون : خلاص .. المهم ايه رأيك في المكان ؟؟
نيرة بحزن : جميل اوي
رن هاتف سيون
دونغهي : كنت عارف انك هتفضحنا
سيون : ايه في حاجة ؟؟
دونغهي : انت فاكرني اهبل ؟؟ انت فين ياعم
سيون : احنا جايين اهو .. مع السلامة
دونغهي : يا سيون .. ياعم استني بس
ايمان بتذمر : هما فين ؟؟
دونغهي : هاه ؟؟ انتي سمعتي لحد فين ؟؟
ايمان : لحد ما قفل في وشك
دونغهي : على فكرة ماقفلش في وشي ده الخط قطع
ايمان : لا ياشيخ
دونغهي : اه وربنا شفتي بأه
ايمان : هعمل نفسي مصدقة علشان ما احرجكش
دونغهي بإحراج : ده على اساس انك ما احرجتينيش دلوقتي
~~~~~
سعاد : اتفضلي الدوا بتاعك
منى : شكرا
سعاد : صحتك ما بتتحسنش يا مدام منى ؟؟
منى : لاء بتتحسن الحمد لله
سعاد : ده عليا برضوا ؟؟
منى بحزن : صدقيني بتتحسن .. بس
سعاد : بس ايه ؟؟
منى : نيرة وحشتني اوي
سعاد : دي سافرت النهاردة بس
منى : انا فضلت بعيدة عنها 23 سنة .. ماصدقت دلوقتي اخيرا ابقى جنبها
سعاد : طب انتي هتقوليلها امتى ان هي تبقى ....
كانت مايا مارة من امام غرفة منى وسمعت حديث سعاد ومنى بالخطأ ثم
توسعت عيناها ووضعت يدها على فمها
~~~~
سعاد : حضرتك عامله ايه دلوقتي
منى بإبتسامه مصحوبة بتعب : الحمد لله .. احسن كتير
سعاد : مصرة تتعبي قلبي يا مدام منى وماتعمليش العملية
منى : دلوقتي انا عندي سبب اعيش علشانه ..حتى لو هعيش متألمه انا
موافقه .. بس اعيش
سعاد : السبب ده هو نيرة ؟؟
منى بصوت متقطع : آه .. نيرة
سعاد وهي تتنهد : طب مش ده الوقت المناسب انها تعرف ؟؟
منى : لالا اوعي تقوليلها حاجة
سعاد : بس هي لازم تعرف
منى : لا مش دلوقتي
سعاد : اومال امتى بس ؟؟
منى : مش عارفه .. بس مايكونش دلوقتي وخلاص
~~~~
للمرة الثامنة على التوالي حلمت نيرة بهذه المحادثة ونهضت من منتصف
نومها
نيرة في داخلها : ايه ده ؟؟ انا ليه عمالة احلم الحلم الغريب ده ياربي
لا ومش مرة ولا مرتين دول 8 مرات
قاطع تفكير نيرة صوت دق على الباب وعندما فتحت وجدت ايمان بملابس
نومها الواسعة جدا واذا بها حاملة وسادة ولحاف
ايمان بخجل : انا عارفة ان الساعة 3 الصبح وماينفعش اخبط عليكي الساعة
دي
نيرة بقلق : فيه حاجة ؟؟
ايمان وهي تدفع نيرة لتدخل غرفتها : لا مافيش بس ممكن انام معاكي
علشان انا بخاف انام لوحدي خصوصا ان دي اول مره اجي كوريا وانا قرات اساطير مرعبة
حصلت فيها قبل مانيجي وانا خوافة جدا
نيرة وهي تحاول ان تتوقف عن الضحك : اه ماشي مافيش مشاكل نامي معايا
ايمان بصوت اشبه بالهمس : هو انتي مش بتخافي منهم ؟؟
نيرة : من مين ؟؟
ايمان : احم .. اللهم احفظنا .. زي اللي وراكي ده
نيرة وهي تقفز الى جانب ايمان : لا مش بخاف منهم وماكانش ورايا حاجة
على فكرة
ايمان بعينان متوسعتان : ومين منا مش بيخاف منهم .. عارفة شعرك الطويل
ده ؟؟
نيرة بخوف : ماله
ايمان : الجن بيحبه
نيرة وهي تضع يدها على فم ايمان : نامي
~~~~
في اليوم التالي .. بعد يوم عمل طويل
دونغهي : آآآآه يانا يمه يانا يمه
سيون : مالك يا ام فاروق ؟؟
دونغهي : اتبهدلت ياخويا بعيد عنك
سيون : ليه ؟؟
دونغهي : 6 ساعات شغل ورا بعض .. ده انت لو قاصد تبهدلني مش هتعمل كده
على فكره
سيون : مهي ايمان برضوا اشتغلت 6 ساعات
دونغهي : مهي زمانها دلوقتي بتولول مع نيرة
سيون : طب نام على مانوصل للفندق
دونغهي بعد تنهيدة طويلة : بقولك
سيون : خير
دونغهي : لا خلاص .. هنام
~~~~
عمر بقلق : فيه حاجة يا مايا ؟؟
مايا : هاه ؟؟ لا مافيش
عمر : ده مش شكل عروسة فرحها بعد شهرين ابدا
مايا بحزن : فيه حاجة كده
عمر : حاجة ايه ؟؟
ثم حكت لـ عمر المحادثة اللتي سمعتها بين سعاد ومنى
مايا بعد تنهيدة طويلة : هاه اقولها ؟؟
عمر : لاء طبعا اوعي تقوليلها .. خلي مدام منى هي اللي تواجهها مايا :
بس لو عرفت ان انا كنت عارفة وخبيت عليها هتزعل مني
عمر : صدقيني كده احسن ليها
~~~~
ريم وهي تحادث والدتها في الهاتف : ماما تعاليلي حالا
والدة ريم : فيه حاجة ؟؟
ريم : اه .. مش عارفة مالي تعبانة من الصبح
والدة ريم : طب انا جاية
بعد نصف ساعة
والدة ريم : حاسة بإيه ؟؟
ريم : دماغي بتلف و
ثم احست بغثيان وركضت الى دورة المياه وتقيأت
والدة ريم بفزع : البسي .. هنروح للدكتور حالا
ريم بصوت متقطع : مش قادرة يا ماما .. حاسة ان روحي بتطلع
ثم غابت عن الوعي
في المشفى
الطبيب : مبروك المدام حامل
ليست هناك تعليقات:
إرسال تعليق