سيون : طبعا انت عارف ان احنا مسافرين كوريا الاسبوع الجاي وهنقعد اسبوعين هناك .. واكيد عارف ان صاحبة الشركة اللي بتعمل معانا استثمار جايه معانا
دونغهي : لخص
سيون : وبما انك المدير المالي
دونغهي : الكارثة جاية
سيون : هتيجي معانا
دونغهي : كنت عايز اسافر الساحل الشمالي منك لله
سيون : هو الساحل هيطير ؟؟
دونغهي وهو يقترب لأذن سيون : الشتا داخل والموزز هما اللي هيطيروا
سيون : اه قول كده بأه .. عموما انت جاي شئت ام ابيت
دونغهي : ربنا عالظالم
سيون : هاه ؟؟
دونغهي : كح كح كح
سيون : اتعدل كده
دونغهي : هسيبك بأه
سيون : ليه
دونغهي : عندي شغل
سيون : احلف
دونغهي : اه وربنا يلا هطير انا
~~~~
عمر وهو يمسك بيد مايا : تعالي تعالي
مايا : ايه
عمر : تعالي اوريكي حاجة
مايا : خير
عمر وهو يضع وشاح على عين مايا : خليكي كده شويه وامشي معايا
مايا : ماشي
بعد 15 دقيقه من السير
عمر وهو ينزع الوشاح : هاه بصي .. ايه رأيك ؟؟
مايا : فين
عمر وهو يأشر لها على فستان : ده
مايا : تحفه اوي .. ماله ده بأه ؟؟
عمر وهو يرفع حاجب : ماله ازاي يعني ؟؟
مايا : ايوا قول ماله بأه
عمر : حبيبتي هتلبسه في العيد
مايا : حبيبتك مين ؟
عمر : واحده كده اسمها مايا .. تعرفيها ؟؟
مايا : لا اول مره اسمع عنها
عمر وهو يأشر على مايا : اهي
مايا وهي تحاول ان تخفي سعادتها : مش فاهمه
عمر : امشي من هنا يا مايا
مايا : قول بأه بجد
عمر : بأه بجد
مايا : يارخم
عمر : الفستان ده هدية ليكي مني عاوز اشوفك لابساه اول يوم العيد
مايا وهي تتسع عيناها : ده بجد ؟؟
عمر : اه والله
مايا لا انت بتضحك عليا
عمر وهو يحتضن مايا من الخلف : انا ماعنديش اغلى منك
مايا وهي تلتف لتحضن عمر : بحبك بجد
عمر : وانا بعشقك
~~~~~
في المساء
نيرة وهي تجلس بطبق به انواع لا تعد ولا تحصي من المكسرات وطبق اخر به
جميع انواع المسليات تقريبا ( شيبسي / فنكوش / فشار ) : هاه جبتي ايه بأه ؟؟
مايا : طب ماتجيبي حبه من اللي معاكي ده طيب
نيرة : مش قبل ماتوريني اللي معاكي
مايا وهي تفتح الاكياس : بصي ياستي دي بلوزة جبتها من سيتي ستارز بـ
350 جنيه و
نيرة مقاطعة مايا : نصبوا عليكي .. لسه شايفه اختها نسخة منها طبق
الاصل في العتبه بـ 150 و110 بعد المفاصله
احدى خادمات المنزل وهي تهرول من داخل المطبخ وفي يدها احدى غطيان
المواني : انا شفتها بتتباع على الرصيف بـ 75 جنيه وكان ممكن اخدها بـ 50 بعد
المفاصلة
مايا : حسبي الله ونعم الوكيل
سعاد : طبعا هنتكلم بعدين على موضوع التصنت ده يا هاله ( الخادمه )
وهنتكلم بعدين برضوا على موضوع العتبه ده يا انسه نيرة وبالنسبة للطبق اللي حضرتك
عاملاه ده جبتيه منين
نيرة وهي تحشر كبشة من المكسرات داخل فمها : نزل لي من السما
سعاد : طب تعالي علشان مدام منى عاوزاكي
نيرة وهي تنهض : عاوزاني في ايه ؟؟
~~~~~
في مكتب منى
نيرة : خير يا طنط حضرتك تعبانة ولا حاجة ؟؟
منى : لا يا حبيبتي بس كنت عايزه اطلب منك طلب
نيرة : اتفضلي
منى : ممكن تسافري كوريا بدالي ؟؟
نيرة : ايه ؟؟
منى : اصل صحتي ماتسمحش اني اسافر .. وانتي دلوقتي اكتر واحده بثق
فيها وفوق ده كله انتي دارسة ادارة اعمال
نيرة : بس ...
منى : ماتقلقيش مش هتسافري لوحدك انتي هتسافري مع رئيس مجلس ادارة
مجموعة ام سي ام
نيرة وهي تتوسع عيناها : مين ؟؟
منى : هو هيساعدك على فهم شغلنا اكتر وعلى فكره سبب السفر هو اننا
قررنا نعمل استثمارات في كوريا مع بعض ..هاه قلتي ايه ؟؟
نيرة بتردد : اللي حضرتك تشوفيه
منى بسعادة : خلاص تمام كده .. جهزي نفسك بأه للأسبوع الجاي
نيرة : حاضر
~~~~~
بعد مرور اسبوع
نيرة وهي تتحدث مع نفسها امام حقيبة سفرها الغير منظمة : صن بلوك /
كريم نهار / كريم ليل / غسول / اسكرب .. فاضل ايه تاني ؟؟
مايا : كريم مرطب
نيرة : صح
مايا بحزن : خلاص هتسافري وتسيبيني
نيرة وهي تضب امتعتها : هو انا هفضل طول عمري هناك مثلا ؟؟
مايا : بس انا مش مصدقه اني هفضل اسبوعين ما اشوفكيش
نيرة : ما انتي كمان هتتجوزي وتسيبيني
مايا ببرائة : والله هجيلك كل يوم
نيرة : هنشوف
مايا : مش هوحشك ؟؟
نيرة وهي تعانق مايا بقوة : طبعا هتوحشيني .. تحبي اجيبلك معايا ايه
؟؟
مايا : راميون ودوكبوكي وكيمتشي وياريت بولجوجي كمان لو سمحتي
نيرة وهي تضرب مايا على ظهرها بمزاح : عايزاني ادخل البيت منكر
مايا : منكر ايه يا حجة دي اكلات كورية
نيرة : اه يا طفسه
~~~~~
امام الفيلا
منى وهي تتنهد : دلوقتي فيه حد هقدر اعتمد عليه في ادارة شغلي
نيرة : شكرا لحضرتك
منى : ربنا معاكي يا بطلة
نيرة وهي تضحك : حاسه اني راحه احارب
منى : نسيت اقول لك ان السكرتيرة بتاعتي هتكون معاكي وتساعدك
نيرة : الحمد لله .. كده اقدر ارتاح شويه
منى : يلا يا حبيبتي علشان ماتتأخريش ..
نيرة : اشوف وشكم على خير
~~~~~
إيمان ( سكرتيرة منى ) وهي جالسة على احدى مقاعد صالة المغادرة في المطار وتتحدث مع نفسها بتذمر : يادي النيلة ..
اتاخرت ليه دي بأه ان شاء الله ؟؟ شكلي انا اللي جيت بدري .. لاء هي اللي اتاخرت
نيرة : انتي ايمان ؟؟
ايمان وهي تنهض بسرعة : انتي الانسة نيرة مش كدة ؟؟
نيرة وهي تمد يدها لتصافح ايمان : بالظبط .. مدام منى وصفت شكلك كويس
ايمان : انا افتكرتك اكبر من كده
نيرة : تديني كام سنه ؟؟
ايمان : اممم 23 ؟؟
نيرة وهي تغمز : 26 .. وانتي ؟؟
ايمان : انا 24
نيرة : وانا كمان من كلام مدام منى عليكي اعتقدت انك اكبر من كده
بكتير
ايمان وهي تضحك : هنفضل واقفين كده كتير ؟؟
نيرة وهي تجلس : لاء طبعا
ايمان : دي اول مرة تسافري برا مصر ؟؟
نيرة : لا سافرت قبل كده لندن وطوكيو
ايمان : وانا كمان سافرت قبل كده طوكيو
نيرة : هو احنا هنقابل مستر سيون ازاي ؟؟
ايمان : مش عارفة اتاخروا ليه .. بس المفروض نقابلهم هنا
وبعد مرور 45 دقيقة
ايمان : احنا لازم نطلع الطياره دلوقتي .. ماينفعش نستناهم اكتر
نيرة : ماشي يلا
سيون من الخلف : انسه ايمان
ايمان وهي تستدير : مستر سيون اهلا
سيون : اسف اننا اتاخرنا
دونغهي بتذمر : انا دونغهي المدير المالي
ايمان متجاهلة دونغهي : احب اعرفك بـ الانسه نيرة قريبة مدام منى
واللي هتسافر بدالها
دونغهي بإرتباك .. ا..هلا .. اهلا وسهلا ان..سة نيرة
نيرة وهي تنظر لسيون نظرة تحدي : مستر سيون ؟؟
سيون بإندهاش : نعم
نيرة وهي تمد يدها لمصافحة سيون : اهلا
سيون : اهلا بحضرتك .. مش يلا ؟؟
نيرة : يلا
~~~~~
في الطائرة
سيون بصوت منخفض : انتي ازاي هنا ؟؟
نيرة بنظرة تحدي ممزوجة بحزن : اعتقد ان ايمان قالت ان انا مكان مدام
منى هنا
سيون : مش فاهم برضوا ازاي انتي بدالها
نيرة : دي حاجة ماتخصكش
سيون بعد تنهيدة طويلة : ماشي
~~~~~
ايمان : اتفضل
دونغهي : لا اتفضلي انتي اقعدي جنب الشباك
ايمان : مش عايزة اقعد جنب الشباك .. اتفضل انت
دونغهي : لا انا مابحبش اقعد جنب الشباك
ايمان : وانا بخاف
دونغهي : ايوا يعني عايزه ايه ؟؟
ايمان : عايزاك انت تقعد جنب الشباك
دونغهي : وليه بأه ان شاء الله ؟؟
ايمان : لان انت الراجل هنا
دونغهي : امري لله
~~~~~
بعد مرور 40 دقيقة من اقلاع الطائرة
المضيفة : سمك ولا لحم ؟؟
سيون : الاتنين لحم
المضيفة : اتفضل
سيون : شكرا
نيرة : انت ليه طلبت ليا لحم ؟؟
سيون بتلقائية : لانك بتكرهي السمك
نيرة في داخلها : انت لسه فاكر .. ياااااااااه
سيون : دي كانت من الحاجات المشتركة بيننا
نيرة ببرود : لسه زاكرتك قوية
سيون في داخله : مش في كل حاجة
~~~~
بعد ساعتين
ايمان : مالك حاطط ايدك على بقك زي الحامل كده ليه
دونغهي : انتي اتعودتي عليا اوي .. مالكيش دعوة
ايمان : ماتقول ياعم بأه مالك هتموت ولا ايه
دونغهي : ما بلاش تعرفي احسن
ايمان : لاء انا عايزة اعرف
ثم تقيئ علي ملابسها وعلى يدها دونغهي 
ليست هناك تعليقات:
إرسال تعليق