بعد ساعتين
ايمان : مالك حاطط ايدك على بقك زي الحامل كده ليه
دونغهي : انتي اتعودتي عليا اوي .. مالكيش دعوة
ايمان : ماتقول ياعم بأه مالك هتموت ولا ايه
دونغهي : ما بلاش تعرفي احسن
ايمان : لاء انا عايزة اعرف
ثم تقيئ علي ملابسها وعلى يدها دونغهي
ايمان : يعععععععععععععع ايه اللي انت هببته ده
دونغهي : اسف
ايمان : ودي اصرفها من أي صيدلية
دونغهي : معلش .. منا قلتلك مابحبش اقعد جنب الشباك
ايمان : بس انت ماقلتش السبب
دونغهي : خلاص ياستي حصل خير
ايمان وهي تنهض : يادي القرف اللي انا فيه
دونغهي : هي مالها قلبت من بولاق كده ليه ؟؟ مهي كانت من المعادي من
شوية
~~~~~~
في المطار
دونغهي : اااه يا ضهري ياني
ايمان : احسن
دونغهي : مش بقول شكلك خدتي عليا اوي
ايمان : مش كفايه اللي عملته فيا
دونغهي : طب اللي يسمعك بتقولي كده هيفكر في ايه
ايمان وهي تركل دونغهي : حسبي الله
دونغهي : ونعم الوكيل فيكي
نيرة : مال هدومك ؟؟
ايمان : مستر دونغهي رجع عليها للاسف
نيرة : طب انا دايما بشيل في شنطتي هدوم احتياطي لما بكون مسافره ايه
رأيك تغيري هدومك
ايمان : ياريت
~~~~
في دورة المياه
ايمان : يع لاء ماينفعش كده
نيرة وهي تعدل زينتها : فيه حاجة ؟؟
ايمان : انا ماينفعش اخد شاور بسرعة ؟؟
نيرة وهي تضحك : لا ماينفعش .. خديه في الفندق
ايمان : بجد ازاي همشي كده ؟؟ غيرت الهدوم ولسة ريحتي مش حلوه
~~~~
في الفندق
دونغهي : اتفضلوا مفاتيح اوضكم
نيرة : شكرا
ايمان : طيب
سيون : يلا نطلع
تلامست ايدي سيون ونيرة عندما كانوا يضغطون على زر المصعد في نفس
اللحظه وبعد ذلك بعدوا ايديهم عن بعض سريعا ولاحظ ذلك دونغهي
دونغهي : طبعا مافيش حاجة النهاردة ؟؟
سيون : اكيد
دونغهي : اذن الليلة خمر ونساء
ايمان في داخلها : اه يا صايع يابتاع الستات
نيرة وهي تضحك : خمر ونساء بعيد عننا بأه
ايمان بتلقائية : طب نروح مول ؟؟
نيرة : بس انا ما اعرفش مولات هنا
ايمان : ما انا كمان ما اعرفش بصي احنا نمشي واللي نلاقيه ندخله
نيرة : ماشي .. بليل باه علشان انا عايزة انام دلوقتي
دونغهي وهو يقترب لأذن سيون : مش واجب اننا نروح معاهم لا يتوهوا ؟؟
سيون بتلقائية : هنروح معاكم علشان ماتتوهوش
دونغهي في داخله : الله يحرقك يا شيخ كنت بهزر
في المساء ارتدت نيرة فستان قصير احمر اللون و حذاء ذو كعب عالي
باللون الاسود ووضعت عطر وزينة خفيفة وتركت شعرها دون ان تربطه فأصبح بطول كامل
ظهرها
وارتدت ايمان تنورة شبه قصيرة باللون الاسود وقميص ابيض وربطت شعرها
وارتدت حذاء ابيض ذو كعب عالي
وارتدى سيون بدلة سوداء اللون فإزدادت جاذبيته الضعف
واما عن دونغهي فإرتدى هو الاخر بدلة سوداء اللون
~~~
في البهو
دونغهي : ايه ده انتي بتتحولي ؟؟
ايمان : هاه ؟؟ ازاي يعني
دونغهي : اصلك حلوة على عكس الصبح
ايمان بخجل : انا دايما حلوة على فكرة
دونغهي : خفي علينا يا مارلين
ايمان : ما انت اللي قلت الاول
دونغهي : افهم من كده ان انتي راضية عن معاكستي
ايمان بصوت منخفض : شكلك شلوطي وحشك
دونغهي وهو يبتعد عن ايمان سريعا : قلبتي من بولاق تاني ليه
ايمان : امشي من هنا
دونغهي : طيب همشي وهاجي تاني بسرعة
ايمان : رايح فين ؟؟
دونغهي : ماتتحركيش من هنا عقبال ما اجي
~~~~~
في المصعد
سيون : اسف لو كنت اتطفلت عليكوا
نيرة : ليه ؟؟
سيون : لانني قلت هنيجي معاكم يعني
نيرة : كده احسن .. لازم يبقى معانا حد جه كوريا قبل كده
سيون بسعادة : انا بقول كدة برضوا
نيرة : بس عموما هنمشي متفرقين علشان نحس براحة اكتر
سيون بإحباط : ماشي ..
~~~~
ايمان : انت جيت يا رمضان ؟؟ ينيلك يا ابو صيام
دونغهي : مش قلتلك اتعودتي عليا اوي
ايمان : كنت فين كل ده ولاطعني لوحدي 10 دقايق
دونغهي : كانوا تلت ساعة على فكرة
ايمان : بجد ؟؟ والنبي ماخدت بالي
دونغهي : ليه ؟؟
ايمان بتلقائية : اصل فيه شوية موزز عدوا من قدامي دلوقتي .. احم ..
اقصد كنت بتفرج على الناس اللي طالعين وداخلين وكده
دونغهي : طب اتفضلي
ايمان : ايه ده ؟؟
دونغهي : افتحيه
ايمان : ده برفان للست الحجة ولا ايه ؟؟
دونغهي : مين الست الحجة ؟؟
ايمان : والدتك
دونغهي بإبتسامة : لاء ده برفان لواحدة رجعت عليها ومع ذلك هي قاعدة
معايا وبتهزر ولا كأن حصل حاجة
ايمان : طب خد
دونغهي : اخد ايه ؟؟
ايمان : خد البرفان .. مش هقدر اقبله
دونغهي : ليه
ايمان : اولا لان انا وانت مابتجمعناش أي علاقة تسمح لي اخد فيها
هدايا منك
دونغهي : بس ده كـ اعتذار بسيط
ايمان : ولو برضوا
~~~~
نيرة بصوت منخفض : تفتكر هتاخد البرفان ؟؟
سيون : شكلها مش هتاخده
نيرة : طب هو احنا هنفضل واقفين هنا لحد امتى ؟؟
سيون : لحد ما هما الاتنين يقرروا هيعملوا ايه في البرفان اللي بـ 250
دولار ده
نيرة : انت عرفت سعره ازاي ؟؟
سيون : جبت لريم واحد منه
نيرة : مين ريم ؟؟
سيون بصوت متقطع : م.. مراتي
نيرة بحسرة : آآآآآآه ربنا يخليكوا لبعض .. اهي خدت البرفان هروحلهم
بأه
سيون وهو يمسك بمعصم نيرة : بما اننا في كوريا .. ممكن اوديكي مكان ؟؟
نيرة بتلعثم : هاه ؟؟ فين ؟؟
سيون : هتعرفي لما نروح
نيرة : وايمان ودونغهي ؟؟
سيون : مش مهم دلوقتي .. ماتفكريش فيهم
~~~~~
ايمان : قلتلي البرفان ده بكام بأه ؟؟
دونغهي : يخربيتك افصلي شوية
~~~~~
حلو اوووووووووي يا قلبي استمري بقا :*
ردحذفاخيرا عرفت اقراء القصة من غير ما اعيدها من الاول عشان االمسافات و كدة
ردحذفالبارت حلو اوى
دونغهى و ايمان فصلونى ضحك
تسلمى و ماتتاخريش بقى فى البارت اللى جاى
فايتنج