At Gwanghwamun part2

في البارت السابق:

هانا: تعال افتحلي قزازة المية

شيون: ما هي في ايدك

هانا: معلش انا عمية مش عارفة افتحها

شيون نزل من السلم و راح يفتحلها القزازة بس هي اول ما عرفت ان القزازة اتفتحت رمتها عليه

شيون شاف فيها بغضب لانو عارف انها قاصدة

هانا: اوبس معلش انا عمية

شيون: ><

------------------------------------

دخل الدكتور و ايمن و المدير للاوضة

المدير: ايه الظلمة دي، ما غيرتش اللمبة ليه يا شيون

شيون بيبص على هانا: معلش حقك عليا انا هغيرها حالا

المدير حاول يعمل محادثة مع هانا عشان يلطف الجو، بس هانا ما ادتلوش فرصة و كانت عدوانية اتجاهو

شيون و المدير طلعو برى و ابوها و الدكتور قعدو يساعدوها في تنظيم الغرفة 

المدير: اخذت دواك ولا نسيتو تاني

شيون: انا مش قد زعلك يا باشا اكيد اخذتو

المدير: طب انا رايح اعمل اجتماع مع الدكاترة بخصوص وضع هانا

شيون: ماشي و انا هروح على البحيرة

شيون و هو قاعد جنب البحيرة بيكلم نفسو: البنت دي باين عليها عنيدة و صعبة، جاتو ضربة على كتفو

دوني: مين العنيدة و الصعبة دي، انت لقيت عروس ولا ايه :D

شيون: مش ناقص هبل يا بتاع الكرة

دوني: انت ايه فهمك في الفن اصلا، انا لعيب محترف

شيون: ابو شكلك انت و فنك

دوني: انت بتعرف بنات من وريا :3  مين العنيدة دي الي انت تتكلم عنها

شيون: دي بنت جديدة في المركز

دوني:  بنت :D  هييييييييييييح يبقى انا هزور المركز بكرى

شيون: طول عمرك واطي، انت ولا مرة جيت زرت صحبك في المركز و دالوقت هتيجي عشانها

دوني: دي مزة يا واد، ايش جاب لجاب

شيون: طب سلام

دوني: رايح ليه

شيون: اصل كنت عايز ابقى مع نفسي شويتين، بس القعدة خربت

دوني: >< طب غور بقى، انا ابن الكلب الي قلت اجي اسليك...

شيون مشى و خلا دوني يتكلم، اول ما وصل سمع صوت غريب، حاول يلاقي مصدر الصوت فوصل لبلكونة غرفة هانا جاب حاجة يطلع عليها عشان يشوف مين في في البلكونة، لاقى هانا حاضنة نفسها زي العيل و تبكي بحرقة، فضل يبص عليها مدة طويلة اوي و هي ولا وقفت دقيقة عن العياط، لدرجة انو حس لمس دموعها هينحرق بسخونتهم

فجاة ابوها بينده عليها: هانا يا هانا

شيون شاف هانا وقفت بسرعة و مسحت دموعها و رسمت ابتسامة على وشها، ولا كانها نزلت دمعة واحدة و دخلت على الاوضة و هي تخبط في الحجات على البلكونة عشان ما كانتش لسه متعودة على المكان، شيون كان هيمد ايدو يساعدها بس شاف ابوها طالع فاستخبى.

دخل شيون على غرفتو و اترمى على السرير و هو يفكر في البنت المسكينة دي، فجأة قام و طلع على غرفة المدير

المدير: مين؟

شيون: هذا انا يا اجاشي 

المدير شاف للساعة: جايني باي مصيبة د الوقت

شيون: افتح انت بس

المدير قام فتح لشيون

شيون و هو ماسك شراب في ايدو: تشرب؟؟

المدير: ادخل بقى

شربو كام كاس مع بعض بدون ولا كلمة

المدير: ايه اللي قالقك

شيون قام حكيلو على الي شافو النهار ده، و انو زعلان اوي على البنت و عايز يساعدها بس مش عارف ازاي

المدير: باين ان البنت لسه متاثرة بالحادث

شيون: حادث؟؟

المدير: ابوها قالي ان الحادث الي فقدت فيه البصر كان فيه امها و اخوها، و كانو طالعين الملاهي عشان كان عيد ميلادها، فلما صار الحادث امها و اخوها ماتو و هي فقدت بصرها، و بكده هي كانت تلوم نفسها انها السبب في الحادث ده و لولا انهم كانو طالعين يودوها الملاهي ما كانش حصل الحادث

شيون: بنت مسكينة بصحيح، مش عارف ليه حاسس بمسؤوليه نحيتها بعد ما عرفت حكايتها، تعرف يا عم انا عايز اساعدها باي طريقة، متفائل اني ممكن ارجع الضحكة لحياتها تاني

المدير: البنت عاملة حواجز على نفسها، من الصعب اوي الواحد يقترب منها، غير شغالين البت عندها ما عندهاش تواصل مع العالم برى

شيون: الله ينور عليك يا باشا، انا لقيت الحل

المدير: ناوي على اي مصيبة

شيون: انت هتساعدني صح

المدير: اعرف انت راسم على ايه الاول

شيون: لا اوعدني الاول

المدير: لو انت متاكد انك هتقدر تساعدها فمعنديش مانع

شيون: هو انت تشك في قدراتي ولا ايه، د لولايا هنا ما كانش واحد استحمل القعدة معاك في السجن ده

المدير: متشكر يا باشا و افضالك على راسي يا مستر متواضع

شيون: :D عايزك بكرى لما يروح ابوها و الدكتور تفهم هانا اني  انا المساعد الشخصي بتاعها و بكده انا اقدر اقرب منها و احاول اساعدها

المدير: بلاش يا ابني انا خايف ان الحكاية دي هختكون صعبة عليك، انت كمان عيان و محتاج راحة جسدية اكتر من اي واحد

شيون: انا هقدر اخذ بالي من نفسي كويس اوي، انت ولا يهمك

المدير: مش مطمن للحكاية دي، افكر الاول

شيون: انا رايح انام بقى تصبح على خير

المدير: و مين هينضف البتاع ده؟

شيون عمل نفسو مش سامع و طلع مباشرة على اوضتو، رجع رمى نفسوعلى السرير و نام

الصبح كانت هانا و المدير كانو واقفين قدام بوابة المركز بعد ما ودعو ابوها و الدكتور

هانا كانت دموعها تنزل على وجهها بدون ما تبكي ولا تحس بنفسها حتى انها بتعيط

المدير: ولا يهمك يا حبيبتي انت هنا وسط اهلك و انا ههتم بيكي زي بنتي و اكتر فبلاش تنزلي دموعك الغالية

هانا باستكبار: اولا انا ما بعيطش ثانيا انت هنا الدكتور و انا مريضة فبلاش تقلبها مسلسل درامي ثالثا ما تتخطاش حدودك معايا انا هنا عشان بابي مديك فلوس متتلتلة فاعمل واجبك و بس

مشيت هانا عشان ترجع على اوضتها بس المكان كان غريب عليها فاخذت تخبط في كل حتة و اخيرا وقعت على الارض،

حست بخوف و ضياع  بس حاولت ما تبينش حالتها، فجأة لقت ايد ماسكتها عشان تساعدها

بالرغم من انها كانت محتاجة المساعدة دي اوي انما كابرت و بعدت الايد بقوة ---كان شيون

هانا: انا مش محتاجة مساعدة حد

شيون: اتكي عليا بس

هانا: مالكش دعوة بيا انت لو شفتني اموت قدامك ما تحاولش تساعدني، انت مش مسؤول عني

شيون ما ردش على كلامها و راح حاملها وهي تضرب فيه جامد و اخذت تنده على المدير الي كان يشوف كل حاجة

المدير: نعم يا انسة عايزة ايه

هانا: انت ازاي تسمح لخدام في المشفى ده انو يتطاول على مريض

المدير: انا اسف بس (و هو يشوف في عيون شيون الي كلها جدية) الخدام ده خدامك انت مش خدام في المشفى بتاعي

هانا: ازاي ده انتو ازاي...

المدير: دي كانت اوامر والدك

هانا: هو ازاي بيعمل من غير ما يكلمني حتى د انا...

شيون راح ماشي بيها على اوضتها وهي ما بطلتش زن، اول ما وصل راح حطها على السرير

شيون: انت كنت قلتيلي قبل كده انك مش من مسؤوليتي

هانا: انت فهمت الموضوع غلط، انت خدام عندي ما لكش مسؤولية عليا، انت عليك تنفذ الي بقولك عليه بس

شيون: حاضر يا انسه لو احتجتي حاجة ابقي اندهيلي

شيون طلع يكلم المدير و هانا فضلت في الاوضة تفكر في حل للمصيبة الي ما كانتش عاملة حسابها

هانا في الاوضة مع نفسها: ايه الي ممكن اعملو مع الشاب الرخم ده يا ربي اهئ اهئ اهئ

حاولت تقوم على البلكونة بس رجلها عورتها جامد

هانا: ايه ده يا ربي كنت ناقصكي انت كمان

شيون مع المدير

المدير: اتذكر يا شيون انت وعدتني انك مش هتهمل صحتك

شيون: من عنيا يا باشا :D

المدير: طب يلا روح جيبلي البنت عشان نعمل الفحوصات

شيون: حاضر يا احلى اجاشي في الدنيا

و راح يجري على اوضة هانا خبط الباب و فتحو على طول

شيون: جهزي نفسك رايحين نعمل فحوصات

هانا: انا اصلا توقعت ان ما فيش حد ممكن يدخل الغرفة من غير استأذان غيرك

شيون لعب بشعرو بكسوف :p ، بس لفت انتباهو ان هانا حاطة ايدها على رجلها

شيون: يلا بينا

هانا نزلت رجليها من على السرير، و اول ما رجلها لمست الارض اظهرت علامات الم

شيون راح تفقد رجلها ادا كانت مكسورة

هانا: انت ازاي...

شيون: ده فعص بس الحمد لله، لما نروح هخليهم يعالجوه بالمرة

و لف الجهة التانية و رماها على كتافو و حملها

هانا: ازاي تسمح لنفسك تقرب مني للدرجة دي

شيون: يا ستي اعتبريني موتسكل او عربية قاعدة عليها ولا انت حاسة بحاجة تانية :3

هانا اتكسفت من الوضع ده بس حاولت تبين غير كده

هانا: انت اخذ فلوس على كده، فاشتغل من سكات

شيون اخذ هانا على الدكتور عشان رجلها و من هناك عشان الفحوصات اللي اخذت معاها اكثر من 4 ساعات

و هي راجعة على الاوضة راكبة على ظهر شيون

هانا: عايزة اتمشى شوي، ممكن؟

شيون لاحظ ان نبرة هانا في الكلام كانت مخنوقة اوي

شيون: شيون حاضر بس انت مش هتمشي خطوة واحدة على رجلك

هانا: ممم

شيون اتفاجأ من طاعة هانا

شيون: عايزة تروحي فين

هانا: اي حتة بعيد عن هنا

شيون خذ هانا على البحيرة، طلبت منو يسيبها لوحدها شوية

اول ما حست ان شيون بعد عنها اخذت تبكي بحرقة شديدة اوي بس فجأة حست بادين تهديها و اطبطب عليها

هانا: قلتلك سيبني لحالي

بس الصوت الي رد عليها ما كانش صوت شيون 

هانا بخوف: مين؟؟

--------

في البارت الجاي:

شيون: انا اول مرة  اتمنى اني اعيش وقت اكتر

--

هانا: ههههههههههههههههههه

--

المدير: شيووووووووووون فيق يا ابني شيون

--

شيون: على فكرة انا ابنك مش واحد من الي شغالين عندك