سعاد : حضرتك عامله ايه دلوقتي
منى بإبتسامه مصحوبة بتعب : الحمد لله .. احسن كتير
سعاد : مصرة تتعبي قلبي يا مدام منى وماتعمليش العملية
منى : دلوقتي انا عندي سبب اعيش علشانه ..حتى لو هعيش متألمه انا
موافقه .. بس اعيش
سعاد : السبب ده هو نيرة ؟؟
منى بصوت متقطع : آه .. نيرة
سعاد وهي تتنهد : طب مش ده الوقت المناسب انها تعرف ؟؟
منى : لالا اوعي تقوليلها حاجة
سعاد : بس هي لازم تعرف
منى : لا مش دلوقتي
سعاد : اومال امتى بس ؟؟
منى : مش عارفه .. بس مايكونش دلوقتي وخلاص
~~~~
كانت تستمع نيرة لحديثهم من خلف الباب اللذي لم يحكموا غلقه واصبحت
تتسائل : هما مش عايزينني اعرف ايه .. ايه اللي مخبيينه عني ؟؟ اواجههم باللي
سمعته ؟؟ لالالا هيقولوا عليا ايه .. اكيد هنزل من نظرهم .. اكيد الايام هتعرفني
~~~~~~
نيرة بإبتسامه ممزوجة بقلق : انا جيت
منى : تعالي اقعدي جنبي
نيرة وهي تتجه الى الكرسي المجاور لمنى : بصي ياستي .. دي روشتة
الادوية اللي الدكتور كتبهالك وانا ههتم انك تاخديها في المواعيد بتاعتها
منى : وايه الورقة التانية دي ؟؟
نيرة : هاه ؟؟
منى : ايه الورقة دي
نيرة : دي قائمة الممنوعات
منى : ممنوعات ايه ؟؟
نيرة : الممنوعات اللي قال لك عليها الدكتور
منى وهي تتأفأف : قلتله يديهالي انا
نيرة وهي تضحك : ما افتكرش كنتي هتنفذيها
منى : ومع ذلك
نيرة : نبدأ القائمه بسم الله الرحمن الرحيم
منى : ما تديني اقراها انا
نيرة : لا انا بعرف اقرأ كويس
منى : استر يارب
~~~~~
ريم وهي تساعد سيون على المشي الى الفراش : انت كل يوم تيجيلي سكران
كده .. انا خايفه عليك من كمية الخمرة اللي بتشربها
سيون بحدة : ابعدي
ريم : لو بعدت انت هتقع
سيون بثمالة : خلاص خليكي .. انتي حلوة كفاية انك تفضلي جنبي اساسا
ريم بحزن : سيون .. فوق
سيون : وعايزه تفوقيني ليه ؟؟ انا كده مرتاح
ريم وهي تضع سيون على الفراش : طب نام
ثم وضعت يدها على خده وقالت : برضوا بعد كل حاجه .. هتفضل انت حبي
الاول والاخير .. مش قادره اكرهك مهما تعمل . خلاص انت دخلت قلبي ومستحيل تطلع منه
~~~~~~
منى : ايه ده ؟؟ ده ظلم
نيرة : هو ايه ؟؟
منى : الدكتور ساب ايه وما منعنيش منه
نيرة : ده علشان صحتك
منى وهي تحاول النهوض : انا هروح اتفاهم مع الدكتور ده
نيرة وهي تتذكر ان منى قالت انها تريد العيش لأجلها : كده هزعل منك ..
لو تعبتي انا كمان هتعب
منى : بجد ؟؟
نيرة : اه
منى : خلاص يا حبيبتي
~~~~~
مرت 3 سنوات
اصبحت نيرة انثى اجمل مما كانت عليه بمراحل .. واصبحت مرحه اكثر مما
كانت عليه كذلك .. كانت تمزح طوال اليوم وتملئ البيت بضحكاتها الجميله ولكنها كانت
تبكي ليلا
واصبح سيون ابرد مما كان عليه وكلما اصبح ابرد كلما زادت جاذبيته كرجل
ولم يكن يضحك الا مع دونغهي
وهم الاثنان لم تتغير قلوبهما مطلقا .. مازالت نيرة الشمس اللتي تضيئ
حياة سيون اللتي اصبحت مظلمه
ومازال سيون الشيء العالق في قلب نيرة
واما عن مايا وعمر فهم لم يفترقوا لحظه ولم يتغيروا بل اصبحوا يعشقوا
بعضهم الى حد الجنون
وريم اصبحت امرأه بائسه جدا ولكنها كانت تدعي السعادة امام والديها
واقربائها
ومنى صحتها بدأت تتدهور شيئا فشيئا ولكنها لازالت متماسكة
~~~~
استيقظت نيرة بعد إلحاح من اغلب خدم المنزل وعلى رأسهم سعاد كعادتها
اليوميه ..
سعاد : فيه حد ينام للعصر ؟؟
نيرة بتمرد : انا
سعاد : طب قومي علشان مدام منى قاعدة لوحدها
نيرة : مايا فين ؟؟
سعاد : بتشتري هدوم العيد
نيرة وهي تضحك : اما طفلة صحيح .. بقولك ايه
سعاد : ايه ؟؟
نيرة : قربي
سعاد : اهو
نيرة : بقولك
سعاد بقليل من الحدة : قولي بسرعه
نيرة وهي تمسك بيد سعاد : وحيات ابوكي يا شيخه اعمليلي بطاطس
سعاد وهي تسحب يدها : دمرتي الريجيم .. انتي تخنتي الشهر ده بس 5 كيلو
نيرة بتذمر ممتزج بدلال : لسه وزني 48 كيلو بس
سعاد : لاء برضوا
نيرة : طب شوكولاتايه
سعاد : قربي
نيرة : هاه ؟؟
سعاد : قربي
نيرة : اهو
سعاد : لو قمتي ولبستي في تلت ساعه هجيبلك شوكولاتايه
نيرة بسعادة : الاهي يكرمك ربنا .. بحبك بأه يا سعدودتي
~~~~~
امام غرفة نيرة
نيرة : انا اهو لبست .. فين شوكولاتتي
سعاد : اهي .. كليها قبل ما ننزل بسرعه
نيرة : خلاص خلصت .. يلا ننزل
سعاد بتعجب : ايه ده انتي لحقتي ؟
نيرة وهي تضع ذراعها على كتف سعاد : لا تخرجي قبل ان تقولي يلا يا
طفسه
ثم تركتها واخذت تركض على السلالم الى الدور السفلي
تك تك تك تك تك
سعاد : براااحه يابنتي البيت هيقع .. مش قلتلك كذا مره ماتلبسيش كعب
في البيت
نيرة وهي تلوح بيدها لسعاد دون ان تنظر لها : الكعب هو عشقي وبعدين
الشارع مش مساعد على لبس الكعب خالص فبعوض في البيت بأه
~~~~
في الدور السفلي في مكتب منى
دخلت نيرة دون ان تستأذن اولا ووضعت يدها على خصرها ورفعت حاجب ثم
قالت بتذمر : الله الله .. اني اشم رائحة قهوة
منى بمزاح : مش مني
نيرة : اطلعي بالفنجان يا طنط
منى : بس
نيرة : عاوزه تزعليني .. مابقيتيش تحبيني . اعترفي انك مابقيتيش
تحبيني
منى : يابنتي بحبك والله
نيرة : اهو الفنجان ده اللي هيثبت لي حبك ليا
منى وهي تخرج الفنجان من احدى ادراج المكتب : اهو
نيرة : من هنا ورايح مافيش قهوة تاني
منى : اوامرك يا فندم .. مش هتشتري لبس للعيد ؟؟
نيرة وهي تجلس : انا بقى عندي 26 سنه يعني داخله على التلاتين لبس عيد
ايه بس حضرتك
منى : ده على اساس انك كبرتي في كل الحاجات التانيه
نيرة : طشبعا طشبعا
منى : الحقيقة انا شايفة انك بتصغري
نيرة : بجد من ناحية ايه ؟؟ لحظه هخش انشكح واجيلك
منى وهي تضحك : في الشكل والشخصيه وكل حاجه
نيرة : وانتي كمان على فكره
منى : جامليني بأه
نيرة : لا والله مش مجاملة ولا حاجة انا بتكلم جد
منى : ماشي ياستي ده من بعض ما عندكم
نيرة : طنط
منى : نعم
نيرة : انا بفكر اشتري هدوم عيد فعلا
منى : قلتلك
~~~~~
سيون : طبعا انت عارف ان احنا مسافرين كوريا الاسبوع الجاي وهنقعد
اسبوعين هناك .. واكيد عارف ان صاحبة الشركة اللي بتعمل معانا استثمار جايه معانا
دونغهي : لخص
سيون : وبما انك المدير المالي
دونغهي : الكارثة جاية
سيون : هتيجي معانا
دونغهي : كنت عايز اسافر الساحل الشمالي منك لله
سيون : هو الساحل هيطير ؟؟
دونغهي وهو يقترب لأذن سيون : الشتا داخل والموزز هما اللي هيطيروا
سيون : اه قول كده بأه .. عموما انت جاي شئت ام ابيت
دونغهي : ربنا عالظالم
سيون : هاه ؟؟
دونغهي : كح كح كح
سيون : اتعدل كده
دونغهي : هسيبك بأه
سيون : ليه
دونغهي : عندي شغل
سيون : احلف
دونغهي : اه وربنا يلا هطير انا
~~~~
ليست هناك تعليقات:
إرسال تعليق