زي ما وعدتكم هكتب في بارت واحد البارتات ال5 اللي اتنشرت قبل كده وكنت بتاخر في نشرها .. علشان الناس اللي عاوزين يتابعوا الروايه من الاول والناس اللى نسيوا الاحداث
اتمنى الروايه تعجبكم وماتبخلوش عليا بأرائكم لانها مهمه جدا بالنسبة لي ^^
اشرقت
في منزل قديم في احدى احياء القاهره
يخرج الطبيب ووجهه في الارض وتبدو عليه علامات الاحباط
نيرة بنبرة خوف : خير يا دكتور ؟؟ بابا ماله ؟
الطبيب : والله يا انسه انا مش عارف اقولك ايه .. بس والدك محتاج
رعايه واهتمام اكتر من الاول والافضل انه يتنقل للمستشفى حالا
نيرة بخجل : طب هو محتاج يقعد اد ايه في المستشفى ؟؟
الطبيب : مش اقل من شهر
نيرة : والتكلفه هتكون اد ايه ؟؟
الطبيب : والدك هيتحط في العنايه المركزه يعني اقل حاجه هتكون 80.000
نيرة بإحباط : طيب شكرا يا دكتور
الطبيب : عن اذنك يا انسه
نيرة : اتفضل
مايا ( الاخت الصغرى الغير شقيقه لـ نيره) وهي تخرج من احدى الغرف
بعينان دامعتان : نيرة هو بابا هيموت صح ؟؟
نيرة وهي تحتضن مايا : بس .. اوعي تقولي كده تاني والا هزعل منك
مايا وهي تبكي : بس انا سمعت الدكتور بيقول هيحتاج 80 الف
نيرة : شششش .. انا هتصرف .. خشي نامي دلوقتي علشان عندك محاضرة بدري
مايا وهي تمسح دموعها : ماشي .. تصبحي على خير
~~~
في اليوم التالي
نيرة وهي تتحدث في الهاتف بصوت خافت : سيون انا لازم اقابلك ضروري
سيون : ماشي .. وانا كمان عندي كلام لازم اقولهولك
استغربت نيرة من حدة سيون معاها على غير العاده
نيرة : هو فيه حاجه ؟؟
سيون : هتعرفي لما نتقابل
نيرة : طب اشوفك فين ؟؟
سيون : استنيني على اول شارعكم هعدي اخدك
نيرة : ماشي ماتتاخرش
~~~~
مريم ( صديقة مايا ) : خلاص يابنتي بأه بطلي عياط
مايا : بابا هيموت يا مريم خلاص
مريم : مش نيرة قالت انها هتتصرف ؟؟
مايا : هتجيب منين ؟؟ ده مرتبها حتى مش بيكفينا لأخر الشهر
مريم وهي تربت على ظهر مايا : طب اهدي بس .. ربنا يصلح لكم الحال
مايا : يااااارب
~~~~
علي (والد نيرة ومايا ) بصوت مبحوح و ضعيف : نيرة يابنتي
نيرة : نعم يا بابا .. عايز أي حاجه ؟؟
علي : اه تعالي اقعدي جنبي هنا لحظه
نيرة : حاضر يابابا
علي وهو يضع ورقة في يد نيرة : انا عارف ان ايامي خلاص معدودة
نيرة بحزن : بعد الشر عليك يابابا ماتقولش كده
علي : اسمعيني بس .. لو حصل لي أي حاجه ده عنوان ورقم تليفون واحده
قريبتنا من بعيد ابقي كلميها وهي هتساعدك
نيرة وهي تقبل يد والدها : ربنا يخليك لينا ويطول في عمرك يا بابا
على وهو يضع يده على شعر نيرة : ربنا يكرمك يابنتي
~~~~
في المساء
سيون بدون أي سلام : اركبي
نيرة : ماشي
سيون : منغير مقدمات .. احنا مش لبعض وكل شيء اسمى ونصيب .. انا عرفت
اني ماكنتش بحبك وده كان مجرد اعجاب
نيرة وهي تتنهد : بعد 3 سنين جاي تقول لي الكلام ده ؟؟
سيون : هو انتي فاكره ان 3 سنين دول حاجه اصلا ؟؟
نيرة : انت اخدت 3 سنين من عمري وجاي تقول لي مجرد اعجاب ؟؟
سيون : عموما ربنا يعمل لك اللي فيه الخير بعيد عني .. ياريت ماتظهريش
في حياتي بعد كده
ونزلت نيرة من السياره ونظرت له نظرة غضب ممتزجة بحزن عميق ثم بكت
بإنكسار
~~~~~
مايا وهي تبكي وتحادث نيرة في الهاتف : نيرة تعالي دلوقتي حالا
الحقيني
نيرة بنبرة حزن متقطع ممزوجة بخوف : حصل حاجه ؟؟
مايا : بابا
نيرة بخوف : ماله ؟؟
مايا بصوت مبحوح : مش عارفه بحاول افوقه مش بيفوق ومش بيتنفس
اغلقت نيرة وركضت الى البيت
~~~~
في البيت
نيرة : ايه اللي حصل .. كلمتي الدكتور ولالا
مايا ببكاء : عند بابا جوا
الطبيب وهو يخرج من الغرفه : انا عايزكم تتماسكوا يا جماعه
نيرة بإرتبكاء وبصوت متقطع : أي .. ايه اللي حصل ؟؟
الطبيب : البقاء لله .. شدوا حيلكم
بينما الطبيب يقول جملته وقعت مايا مغمى عليها وركضت نيرة الى غرفة
والدها
نيرة وهي تصرخ : بابا .. لاااااااااااا .. ارجوك ماتسبنيش .. انا مش
هقدر اعيش منغيرك .. قوم يا بابا والنبي ماتسبنيش .. ارجوك قوم .. انت بتهزر معايا
صح ؟؟
مشى نحوها الطبيب بخطوات سريعة واعطاها حقنة مهدئة
بعد 3 ساعات
بعد تكفين والد نيرة
الطبيب : يا انسه اهدي مش كده
نيرة : اهدى ازاي يا دكتور .. انا مش مصدقه اني مش هشوف بابا تاني
الطبيب : طب الوالد اداني حاجه لازم اوص..
وقبل ان يكمل الطبيب جملته دخلت عليهم مايا بشعر غير مهندم وتوازن
مختل وكادت ان تقع اكثر من مرة
مايا بصراخ : يعني ايه بابا مات ؟؟ يعني مش هشوفه تاني ابدا ؟؟ انتوا
كدابين بابا ماماتش .. بابا نايم بس صح ؟؟ ردي عليا يا نيرة صح ؟؟
نيرة وهي تحضن مايا : ده قدر .. اوعي تقولي كده تاني
بعد شهر
نيرة وهي تتحدث في الهاتف مع الطبيب : فيه حاجه يا دكتور ؟؟ غريبه
يعني انك تتصل بعد ما بابا مات
الطبيب : عاوز اديكي حاجه اداهالي الوالد يا انسه
نيرة : خلاص تقدر تشرفنا في البيت في أي وقت حضرتك تحبه
الطبيب : نص ساعه وهكون عندكم مع السلامه
نيرة : مع السلامة
فلاش باك شهر
علي بصوت مبحوح : انا عايز اطلب منك خدمه يا دكتور اذا سمحت
الطبيب : خير يا حج ؟؟
علي وهو يضع قلاده في يد الطبيب : امانه عليك تدي دي لـ نيرة بنتي لما
اموت وتقول لها تديها للست اللي انا كلمتها عنها قبل كده وهي هتفهم
الطبيب : بعد الشر يا حج ماتقولش كده
علي : انا عارف مرضي يابني وعارف ان ايامي معدودة
الطبيب : الاعمار بيد الله
علي : المرض ده وراثه في عيلتنا يا دكتور .. خلي بالك من نيرة ..
خليها تهتم بالتحاليل علشان لو جالها لا قدر الله تقدر تعالجه في اوله وماتتالمش
زيي
~~~~
في منزل نيرة
الطبيب : قبل ما الوالد يتوفى بدقايق ادالي دي وقال لي اديهالك تديها
للست اللي قال لك عليها وقال انك هتفهمي
نيرة وهي تحاول ان تتذكر : شكرا يا دكتور
الطبيب : العفو يا انسه ده اقل واجب
~~~~~
في اليوم اللي ابو نيرة مات فيه هو نفس اليوم اللي سيون سابها فيه وهو
كمان نفس اليوم اللي اتفصلت فيه من شغلها اصلها كانت بتشتغل في شركة سيون
فلاش باك 3 سنين
نيرة : انا متضايقه اوي اوي
سيون : من ايه يا حبيبتي
نيرة : اصل بابا تعب فجاه ومابقاش يروح الشغل واحتمال يفصلوه ومش
عارفه هنصرف منين لو اتفصل
سيون : وانا شركتي راحت فين ؟؟
نيرة : يعني ايه
سيون وهو يغمز لـ نيرة : ايه رأيك تبقي سكرتيرتي التنفيذيه ؟؟ منها
شغل ومصدر رزق ومنها هتكوني جنبي كل يوم
نيرة بسعادة : ربنا يخليك ليا .. انا بحبك اوي
~~~~~
مايا وهي تلوح امام وجه نيرة : نيرة .. يابنتي
نيرة بحزن : نعم يا مايا .. فيه حاجه ؟؟
مايا وهي تجلس بجانب نيرة : فيه حاجات
نيرة : خير
مايا : لو مادفعناش الميه والنور هيقطعوهم علينا .. والانبوبه فضيت ..
والتلاجه مافيهاش أي حااجه .. والراجل صاحب الشقه شفته النهارده عالسلم وقال لي لو
مادفعناش الايجار هيطردنا برا البيت
نيرة : انا مش معايا غير 10 جنيه
مايا وهي تبكي : طب هنعمل ايه ؟؟
نيرة وهي تحاول تطمأن مايا : هنلاقي حل .. انا تعبانه اوي .. يلا ننام
دلوقتي وبكره نبقى نفكر في حل
مايا وهي تمسح دموعها : ماشي
~~~~
في اليوم التالي
صوت خبط .. ترزيع .. شتايم
مايا بفزع : نيرة .. نيرة اصحي بسرعه
نيرة بصوت نائم : ايييه يا مايا فيه ايه
مايا : انتي مش سامعه .. والنبي قومي انا خايفة
نيرة وهي تنهض بسرعة : هو الصوت ده عندنا ؟؟
مايا : اه
نيرة : طب خليكي هنا وانا هروح اشوف فيه ايه .. اوعي تيجي ورايا
مايا : انا خايفة
نيرة بحده : ماتخافيش خليكي هنا بس
مايا وهي تبكي : ماشي
~~~~
امام باب البيت
نيرة : فيه ايه ياعم محمد ؟؟ بتخبط كده ليه ؟؟ مش قلنالك هندفع
الايجار بعد اسبوعين بالكتير
عم محمد ( مالك المنزل ) : انا مش هستنى اسبوعين .. انا خلاص اديت
كلمة لناس هييجوا ياجروا الشقه وهيدفعوا اضعاف اللي بتدفعوه قدامكم ساعتين بالكتير
وتمشوا من هنا والا هطلب لكم الشرطه
نيرة : ايه اللي انت بتقوله ده ؟؟
عم محمد : زي ماسمعتي كده .. يلا عن اذنك ياختي .. عايز لما اجي بعد
ساعتين ما اشوفش وشكوا
نيرة وهي تغلق الباب بقوة : حسبي الله ونعم الوكيل
مايا وهي تبكي : هنروح فين دلوقتي ؟؟
نيرة وهي تتنهد : ما اعرفش
مايا : طب انا اعمل ايه دلوقتي ؟؟
نيرة : انتي ماسمعتيهوش بيقول ساعتين وتمشوا ؟؟ خدي اللي تقدري عليه
بس ويلا
مايا : ماشي
~~~~
في المساء على احدى ارصفة القاهره
مايا بصوت متقطع : انا هموت من الجوع وتقريبا بتجمد
نيرة : اتحملي شوية عقبال ما اوصل لحل
مايا : مش قادره
نيرة في داخلها وهي تبحث عن
الورقة اللتي اعطاها لها والدها قبل ان يتوفى : مافيش غير الست اللي بابا قال لي
عليها .. هروح لها باه واللي يحصل يحصل
مايا : انتي سمعاني ؟؟
نيرة : قومي معايا
مايا : على فين ؟؟
نيرة : قومي بس
~~~~~
بعد ساعه ونصف من المشي المتواصل
مايا وهي تنهج وتتحدث بصعوبه : نيرة انا خلاص مش قادره والنبي خلينا
نقعد شويه
نيرة وهي تنظر في الورقه :
اعتقد ان هي دي
مايا : هي ايه ؟؟
نيرة وهي متجهة الى احدى الفلل : اه هي
مايا وهي تشد ذراع نيرة : انتي راحة فين يا نيرة .. انتي اتجننتي خلاص
؟؟
نيرة وهي ترفع يد مايا من على ذراعها : هفهمك بعدين .. امشي معايا بس
مايا : ربنا يستر
نيرة وهي تتجه ناحية الفيلا : ماتخافيش
مايا : طب قوليلي احنا رايحين الفيلا دي ليـ..
وقاطع حديثهما صوت رجل تبين انه حارس
الحارس : انتوا مين وبتعملوا ايه هنا ؟؟
نيرة : احنا عايزين نقابل واحدة في الفيلا دي ضروري ارجوك
الحارس : اسمها ؟؟
نيرة : مدام منى
الحارس بإرتباك : طب اتفضلوا معايا
دق الجرس الحارس وبعد قليل ظهرت سيدة في منتصف او اواخر الاربعون تبدو
باردة ومخيفه
السيدة : عايز ايه يا ادهم دلوقتي ؟؟
ادهم ( الحارس ) : فيه ناس عايزين يقابلوا مدام منى
السيدة : عندهم معاد معاها ؟؟
ادهم : لا
السيدة : وهما فين دلوقتي ؟؟
ادهم : واقفين في الجنينه
السيدة : مش انا قلتلك ماتدخلش حد الفيلا بعد الساعة 7 الا اذا كان
معاه معاد مع مدام منى ؟؟
ادهم : انا اسف .. بس هما قالوا ضروري
السيدة : عاوزينها في حاجه تخص المجموعة يعني ؟؟
ادهم : مش عارف
السيدة : طب تعالى وريهم لي
~~~~
في الجنينة
السيدة : انتوا ياللي واقفين هناك
نيرة وهي تلتف : احنا ؟؟
السيدة : هو فيه حد غيركم هنا ؟؟
نيرة بحدة : نعم
السيدة : عايزين ايه من مدام منى ؟؟
نيرة وهي تخرج القلادة اللتي اعطاها لها الطبيب من حقيبتها : لو سمحتي
اديها السلسله دي وقوليلها نيرة علي
السيدة بإستغراب : طب اقفوا هنا شويه
نيرة : ماشي
وبعد دقائق
السيدة بخطوات سريعة وبلهجة محترمه : اتفضلوا تقدروا تدخلوا دلوقتي
نيرة وهي تمسك بيد مايا اللتي بانت عليها علامات الاجهاد بشدة : يلا
يا حبيبتي
~~~~~
في الفيلا
السيدة : اتفضلوا ارتاحوا هنا عقبال ما مدام منى تنزل
نيرة : ماشي
مايا : انا مش فاهمه حاجه
نيرة : قلتلك هفهمك بعدين .. افضلي هاديه لحد ما اتكلم مع الست
مايا : ماشي
نيرة في داخلها : مين مدام منى دي ؟؟ وليه الحارس والست البارده دي
ارتبكوا لما سمعوا اسمها ؟؟
احدى الخادمات : انسه .. يا انسه
نيرة وهي تنتبه : هاه .. انا ؟؟ نعم
الخادمة وهي تضحك : انا بقالي كتير بنده على حضرتك
نيرة بإستغراب : فيه حاجه
الخادمة وهي تميل عليها قليلا : اتفضلي .. اكيد انتوا بردتوا وتعبانين
فـ ست سعاد ( السيدة الباردة ) قالتلي
اعمل لكم حاجه دافيه تشربوها على ماتنزل مدام منى
نيرة وهي تأخذ كوب : شكرا
مايا وهي تاخذ الكوب الاخر بسرعه : متشكره
سعاد ( السيدة ) : مدام منى نازلة اهي ( واشارت بيدها على السلم )
بدت السيدة منى سيدة في اوائل او منتصف الاربعون وكان يبدو عليها
علامات الرقي و الثراء الفاحش من رأسها الى اخمص قدميها وكانت على عكس السيدة سعاد
مبتسمه ودافئه وكانت جميلة جدا
نيرة وهي تنهض بسرعه : انا اسفه اني جيت منغير ما احدد معاد مع حضرتك
بس الظروف هي اللي خلتني اعمل كده
منى وهي تبتسم ابتسامه دافئه وراقيه وتمد يدها لـ نيرة لتصافحها
وباليد الثانيه تربت على كتف نيرة : اقعدي
ارتاحي يا حبيبتي
نيرة وهي تصافح يد السيدة منى بإستغراب : حاضر
منى وهي تجلس : اكيد انتوا تعبانين ومرهقين جدا .. الانسه اللي جنبك
باين انها منهكه جدا
مايا وهي تعتدل في جلستها : اصل احنا مشينا كتير
منى بفزع ممزوج بحزن : انتوا جيتوا من السيدة زينب لهنا مشي ؟؟
نيرة وهي تتنهد : ماكانش قدامنا حل غير ده .. ولكن هو حضرتك عرفتي
ازاي ان بيتنا في السيدة زينب ؟؟
منى بإرتباك : هاه .. اه اصل انا كنت على معرفة بوالدك .. انتوا مش
تعبانين ؟؟ ايه رأيك تقوموا ترتاحوا دلوقتي وبكره نتكلم زي ما انتي عاوزه ؟؟
نيرة بإحراج : انا بجد مش عارفه اقول لحضرتك ايه ؟؟ شكرا جدا على زوقك
منى : ده اقل واجب يا حبيبتي .. سعاد لو سمحتي وريهم اوضهم وخليهم
يرتاحوا
مايا وهي تمسك بمعصم نيرة : ايه ده هو احنا مش هننام في اوضة واحده ؟؟
انا بخاف انام لوحدي
منى وهي تحاول اخفاء ضحكتها : هو انتوا عايزين تناموا في اوضة واحده
؟؟
نيرة وهي تبتسم ابتسامه ممزوجه بإجهاد : ايوا بعد ازن حضرتك
منى : خلاص يا سعاد اديلهم اوضه واحده علشان الانسه بتخاف
سعاد : ماشي يا مدام منى
~~~~
في الغرفه
نيرة وهي تتحدث في الهاتف : ازيك يا لمى يا حبيبتي عامله ايه ؟؟
لمى ( صديقة نيرة من العمل ) : الحمد لله انا كويسه .. البقاء لله ..
انا اسفه اني ماعزيتكيش قبل كده بس والله انا لسه عارفه قريب
نيرة : ولا يهمك يا حبيبتي
لمى : الشركه بقت وحشه اوي
نيرة وهي تتنهد : اكيد مش هتبقى وحشه طول ما انتي موجوده فيها
لمى بتلقائيه : اصل سيون اتجوز ومراته بقت راحه جايه على الشركه
وفاكره انها شركتها وبتعامل الموظفين معامله وحشه جدا
نيرة بصدمه : اتجوز ؟؟
لمى : آه
نيرة وهي تحاول ان لا تبكي : طب لمى انا هكلمك بعدين علشان انا تعبانة
دلوقتي
واغلقت دون ان تستمع الى رد لمى وبعدها وضعت وساده على وجهها وبكت الى
ان نامت
~~~~
احدى الخادمات من على الباب : انسه نيرة .. انسه نيرة حضرتك صاحيه ؟؟
ممكن ادخل ؟؟
نيرة وهي تفتح عينها بتثاقل : اتفضلي
الخادمة : صباح الخير
نيرة : صباح النور .. هو الساعه كام ؟؟
الخادمة : الساعة 7 وربع .. الفطار بيكون الساعة 8 .. يعني قدام حضرتك
ساعه الا ربع بالظبط علشان تجهزي انتي والانسه وتنزلوا
نيرة : ماشي شكرا
الخادمة : العفو يا انسه نير....
وقاطعت جملتها سعاد وهي تدخل من الباب بعد ان دقت عليه
سعاد : صباح الخير يا انسه .. انا هقولك لحضرتك على مواعيد الاكل هنا
علشان تلتزمي بيها وماتتاخريش .. الفطار الساعه 8 صباحا .. الغدا الساعه 2 بعد
الضهر .. العشا الساعة 7 ومدام منى بتنام الساعه 9 وباقي اللي في البيت بيناموا 11
نيرة وهي تفرك عينيها : طب انا تعبانه جدا .. ماينفعش انام تاني ؟؟
سعاد بحدة : لا .. ياريت تقومي دلوقتي تجهزي وانا ههتم بالانسه اللي
جنبك
نيرة : ماشي
~~~~
بعد ان تجهزت نيرة
سعاد : اتفضلي يا انسه اوضة السفره من هنا
نيرة : شكرا .. هو فيه حد تاني في البيت غير مدام منى ؟؟
سعاد بإستغراب : انا والخدم والحارس
نيرة : لاء ما اقصدش .. اقصد مثلا جوزها ابنها او بنتها حاجه شبه كده
سعاد وهي تتوقف عن المشي : مدام منى مالهاش أي حد .. وياريت ماتتكلميش
معاها في الموضوع ده لانه حساس بالنسبه لها
نيرة : حاضر .. اسفه
~~~~
في الغرفة
الخادمة : يا انسه اصحي بأه والنبي انا بقالي نص ساعة بحاول اصحيكي
ومافاضلش غير ربع ساعه عالفطار
مايا : انا مانمتش كتير .. سيبيني انام
الخادمة بتذمر : 10 ساعات مش كتير ؟؟
مايا وهي تنهض : خلاص قايمه اهو
الخادمة : اخيرا
مايا وهي تنظر حولها في الغرفة : نيرة راحت فين ؟؟
الخادمة : نزلت
مايا : طب انا عايزه اغير هدومي
الخادمة : اتفضلي
مايا : ايوا انا عايزه اغير هدومي
الخادمة : اتفضلي
مايا : طب ممكن تغمضي عينك ؟؟
الخادمة وهي تضحك : انا اسفه .. هسيبك تغيري هدومك براحتك
مايا : شكرا
~~~~
على السفره
منى بإبتسامه راقيه : دي اول مره من سنين اقعد على سفره مع ناس
نيرة : هو حضرتك علطول كده ؟؟
منى : للاسف
نيرة : بالنسبه ليا انا ومايا انا بس عاوزه اشتغل أي حاجه علشان اجيب
فلوس واعرف اعيش انا ومايا حتى لو هشتغل خدامة
منى : خدامه ؟؟ ايه اللي بتقوليه ده بس .. انتي هتفضلي معايا هنا
منغير شغل .. شغلك الوحيد انك تخلي بالك من مايا ومن نفسك وخلاص
نيرة : بس..
منى وهي تضع يدها على فم نيرة : بس ايه ؟؟ خلاص بأه
نيرة وهي تخفض رأسها : مش عارفه اقولك ايه .. شكرا بجد
منى بإبتسامه : المفروض ان انا اللي اشكرك
نيرة بإستغراب : ليه ؟؟
منى : لانك هتملي حياتي الفاضيه الممله
نيرة بإحراج : اتمنى بس ما ازعجش حياة حضرتك الهاديه
منى بإبتسامه : بالعكس مش هيكون فيه ازعاج
مايا : انا جيت .. انا اسفه اني اتاخرت
منى وهي تعدل رأسها لتنظر الى مايا : اتفضلي
مايا : حاضر
منى : يلا كلموني عن نفسكم شويه واحنا بنفطر
مايا : انا عندي 19 سنه وفي تانيه جامعه
نيرة : وانا 23 وكنت بشتغل في مجموعة ام سي ام
منى : المجموعة دي بتعمل اسثم..
سعاد مقاطعة منى : انا اسفه يا مدام منى بس فيه تليفون لحضرتك
منى : عن ازنكم
مايا & نيره اتفضلي
~~~~
ريم ( زوجة سيون ) وهي تلعب ب ازرار قميص سيون : انا زحلانه منك
سيون ببرود : ليه ؟؟
ريم وهي تتشبث بقميص سيون : لانك هتنزل الشركه وهتسيبني واحنا
ماكملناش حتى شهر متجوزين
سيون وهو ينزع يديها من على قميصه ويضع ربطة عنق : هو انتي ماكفاكيش 3
اسابيع فسح وسفر
ريم : تؤتؤتؤ
سيون : طيب
ريم بحدة : يعني انت مش فارق معاك ازعل ولا اتفلق صح ؟؟
سيون في داخله : صح
ريم : هاه ؟؟
سيون وهو يتجه ناحية باب الشقة
بحدة : ما خلاص بأه يا ريم هو انا نازل العب ولا اتفسح انا نازل اشتغل
ريم : طب مش هتصالحني قبل ماتنزل ؟؟
سيون بنفس البرود : انا مازعلتكيش علشان اصالحك ..
ثم ذهب الى الشركه
~~~~
مايا : هو انا ممكن انزل الجامعه بكره ؟؟
نيرة : اكيييد
مايا : ماشي
~~~
في اليوم التالي .. في الجامعة
عمر : مايا .. يا مايا
مايا وهي تلتفت : عمر
عمر وهو يمشي بإتجاه مايا : ايه ياقمر ماشيه بتفكري في مين
مايا بإبتسامه متصنعه : مش بفكر في حد
عمر بإحباط : فاتحتي نيرة في موضوعنا ؟؟
مايا وهي تتنهد : لاء لسه
عمر بنفس الإحباط : طب هتفاتحيها امتى ؟
مايا : مش عارفه ..بس هحاول
عمر : هتعملي ايه دلوقتي ؟؟
مايا : عندي محاضره بعد 10 دقايق .. لازم امشي باه
عمر : ماشي
وبعد ابتعاد مايا قليلا عن عمر
عمر : مايا .. هتفاتحيها النهارده .. وعد .. خلاص انتي وعدتيني
مايا وهي تضحك وتلتفت : هو انا نطقت ؟
عمر : يعني كمان هتخلفي وعدك ؟
مايا : هو انا وعدتك ؟؟
عمر : ايوا وعدتيني وهتفاتحيها النهارده وكده
مايا : ماشي
عمر بصوت عالي : بحبك
مايا وهي تضحك : مجنون
~~~~~
بعد المحاضره
مريم : هاه ؟؟ هنقول مبروك قريب ؟
مايا وهي تتنهد : ما اعرفش
مريم بإحباط : لسه ما قولتيلهاش
مايا : لا
مريم : ليه بأه ؟؟
مايا : انتي مجنونة يابنتي ؟؟ بابا لسه ميت من شهر وانتي عاوزاني اروح
اقول لها انا بحب
مريم : مهو لازم تقوليلها
مايا : هحاول النهارده
مريم : ازغرط ؟؟
مايا وهي تخبط مريم على ظهرها بدفترها : بس يا هبله
~~~~~
في المنزل
منى : انا مضطره اني انزل دلوقتي يا حبيبتي .. انا اسفه معلش
نيرة : اتفضلي حضرتك .. انا ممكن اخرج عقبال ماحضرتك تيجي لو حابه
منى : لا ماتقوليش كده خليكي هنا
نيرة : شكرا لحضرتك
منى وهي تمسك بيد نيرة وتسحبها : تعالي اوريكي حاجه
في الشرفة اللتي بداخل غرفة نوم منى
منى : هاه ايه رأيك في المنظر الجميل ده ؟؟
نيرة وهي تبتسم : الله حلو اوي .. يهدي الاعصاب
منى : انا كل ما اكون متضايقه اجي اقعد هنا شويه الضيق يروح وانسى كل
حاجه
نيرة : جميل اوي
منى : تقدري تدخلي هنا في الوقت اللي تحبيه
نيرة : شكرا
منى : انا ماشيه .. ومش هتاخر
نيرة : اتفضلي
~~~~
دونغهي ( صديق سيون المقرب والمدير المالي في شركة عائلة سيون ) :
سيووووووووووووون
سيون وهو ينتبه لصوت صديقه العالي : ايه ده انت هنا من امتى ؟؟
دونغهي وهو يجلس : من بدري .. كنت سرحان في مين ؟؟
سيون : هاه ؟؟ ايه الملفات اللي معاك دي ؟؟
دونغهي : ماتضيعش الموضوع
سيون وهو يتنهد : هو فيه غيرها ؟؟
دونغهي : مين ؟؟ اه تقصد ريم ؟؟
سيون وهو يضرب دونغهي على رآسه : اقصد نيرة
دونغهي بقليل من الحده : على فكره انت متجوز دلوقتي .. انت لو فضلت
تفكر في نيره مش هتضيع نفسك بس ده انت هتضيعنا كلنا
سيون : عارف
دونغهي : ومادام انت عارف بتفكر فيها ليه ؟؟
سيون : مش قادر ما افكرش فيها
دونغهي : مع الايام هتقدر
سيون : عندك وقت النهارده بليل ؟؟
دونغهي : ليه ؟؟
سيون : عايز اشرب
دونغهي : ماشي
~~~~
في الشرفة كانت نيرة تفكر في سيون وتذكرت موقف
فلاش باك 6 شهور
نيرة وهي تبكي : احنا بقالنا 3 سنين مع بعض وانت لحد دلوقتي مش عايزني
اقول لأي حد ولا عايز تسيبني ولا عايز تاخد خطوه رسميه
سيون : مش دلوقتي يا نيره .. استني شويه
نيرة : لحد امتى ؟؟
سيون : لحد ما الوقت يسمح
نيرة : انت بقالك 3 سنين بتقول كده .. انا مش هقدر استمر معاك اكتر من
كده
سيون : انا اسف .. خليكي بس معايا وقت اطول وصدقيني هاخد خطوه رسميه
قريب
نيرة : تقدر توعدني بكده ؟؟
سيون : اوعدك
ثم ضمها إليه بقوة
نيرة : لو سمحت يا سيون ابعد ايديك عني
سيون : خليكي بس كده شويه
نيرة : فيه حاجه ؟؟
سيون : بحبك
نيرة : كذاب
سيون : صدقيني بحبك .. ماتزعليش
نيرة وهي تدفن رآسها في صدر سيون : ارجوك يا سيون نفذ وعدك
سيون : انتي مش واثقه فيا ؟؟
نيرة : لا واثقة فيك
سيون : طب بتحبيني ؟؟
نيرة : للاسف
سيون وهو يضحك ويضرب نيرة على ظهرها بلطف : وانا كمان بحبك للاسف
نيرة : بتقول حاجه ؟
سيون : لاء ابدا وانا اقدر انطق ؟؟
نيرة : ايوا كده
سيون : اوعدك هفضل معاكي علطول وهفضل احبك علطول
~~~~
نعود لـ اللحظه اللتي وقفنا عندها
نيرة وهي تسقط ارضا وتبكي : انت وعدتني انك هتفضل معايا علطول .. ازاي
تعمل فيا كده .. انت قلت انك بتحبني ليه سيبتني
~~~~
في المساء
سيون وهو يشرب كآس من الخمر ويبدو انه ثمل : دونغهي
دونغهي : هاه ؟؟
سيون : هو انا غلطت ؟
دونغهي : لا
سيون وهو يبدأ بالبكاء : لاء انا غلطت
دونغهي : انت انقذت الشركه .. انقذتنا كلنا
سيون : ونيرة ؟؟
دونغهي : مش عارف
سيون وقد اشتد بكاءه : انا عمري ما هنسى اللي انا عملته ولا هنساها
دونغهي وهو يربت على كتف سيون : طب ماتنساهاش ووطي صوتك لأنك فضحتنا
~~~~~
منى : هي فين نيرة ؟؟
سعاد : قالت انها تعبانه ونامت
منى : اذا كان كده خليها وماتخليش حد يزعجها
سعاد : حاضر
~~~~~
في غرفة نيرة ومايا
مايا : نيرة .. قومي بأه انا بقالي كتير بحاول اصحيكي
نيرة بصوت نائم : مش قادرة اقوم يا مايا سيبيني نايمة
مايا : انتي نايمة من ساعة ما جيت
نيرة : طب روحي ذاكري وانا شويه كده وهصحى
مايا : بس لما اصحيكي تصحي علطول .. ماشي ؟؟
نيرة : ماشي
~~~~~~
في منزل دونغهي
دونغهي : يابني اسند نفسك قربنا نوصل للسرير اهو
سيون وهو ثمل : ماتودينيش لـ ريم
دونغهي : انت في بيتي فتح عينك شوف اللي حواليك
سيون : انت كذاب وواخدني لريم
دونغهي : يمهل ولا يهمل .. يا بني قلتلك احنا في بيتي
سيون : يعني انت مش هتوديني لـ ريم ؟؟
دونغهي وهو يرمي سيون على السرير : لا
ثم رن هاتف سيون وكانت ريم هي المتصله
دونغهي : الو .. ازيك يا ريم .. سيون تعبان شويه ومش هيقدر يروح
النهارده فهيبات معايا .. لا ماتقلقيش مش تعبان اوي .. لا الموضوع مايستاهلش انك
تيجي .. ماشي مع الس...
واغلقت ريم الخط قبل ان يكمل دونغهي جملته
دونغهي بعصبيه : يخربيت غرورك
~~~~~
جائت نيرة الى سيون في الحلم
رآى انهم كانوا كانوا في شارع وكل منهما في ناحية وهي لوحت بيدها له
وعندما مشت بإتجاهه بضع خطوات جائت سيارة سريعة وصدمتها
ثم استيقظ بفزع
دونغهي بفزع هو الاخر : ايه مالك فيه ايه ؟؟
سيون وهو يلهث و ينهض من الفراش بسرعه : نيرة .. نيرة
دونغهي : اهدى بس كده وكلمني .. مالها نيرة ؟؟
سيون وهو يشد معطفه : انت ماشفتهاش ؟؟ العربية خبطتها وهي جايه لي
دونغهي وهو يقف امام سيون : ده كان كابوس .. اهدى كده .. ماحصلش حاجه
من اللي انت قلته
سيون وهو يحاول بعد دونغهي عن طريقه : وسع من هنا
دونغهي : رايح فين الساعة دي ؟؟
سيون : رايح اتطمن على نيرة
دونغهي : ياعم نيرة مين دلوقتي ؟؟ الساعة 3 الصبح
سقط سيون ارضا واخذ يبكى بشدة ويسب نفسه
~~~~
في اليوم التالي كانت مايا اخبرت نيرة عن علاقتها بـ عمر واخبرتها انه
يريد مقابلتها وحددت موعد مع عمر وكان في اليوم اللذي يليه
~~~~~
في بيت سيون وريم
يدخل سيون حاملا بمعطفه وكان يبدو عليه علامات الحزن والبكاء
ريم وهي تمسك بمعصم سيون : ما
لسه بدري .. ليه ما اتاخرتش اكتر من كده ؟؟ ليه جاي على نفسك اوي كده
سيون بحدة : من فضلك ياريم شيلي ايدك
ريم
بتحدي : ولو ماشلتهاش هيحصل ايه
سيون وهو ينزع يد ريم من على معصمه بعنف : مش معنى اني اتغاضيت عن
كلامك اللي فات يبقى تتمادي فيها
ريم بخوف : ماتزعقليش
سيون : ماتآمرينيش
ثم تركها وتوجه الى غرفة النوم ونام
~~~~~~
في اليوم التالي
وقفت نيرة امام المرآه وارتدت ثياب مهندمه وانثوية لأول مره منذ وفاة
ابيها ووضعت القليل من الزينه وتركت شعرها الطويل المموج على حاله لم تفرده او
تربطه فبدت في غاية الانوثه والجمال
مايا وهي ترفع حاجب : الله الله .. ايه الجمال ده ؟؟
نيرة بإبتسامة متصنعة : ده من بعض ما عندكم
مايا : انا كده هغير
نيرة : وانا كده هتغر .. يلا علشان ما نتأخرش من اولها
مايا بسعادة : يلا
~~~~~
في طريقهما الى المكان اللذي حددوه رن هاتف نيرة
نيرة : الو .. الحمد لله .. ازيك انتي يا لمى ؟؟ ايه اللي نسيته معاكي
؟ يااه ده انا قلبت الدنيا عليها .. انتي فاضية النهارده علشان اخدها منك ؟ ماشي
الساعة 8 بالظبط هتلاقيني ادام الشركة .. مع السلامه
مايا : فيه حاجه ؟؟
نيرة : اه فاكرة الساعة بتاعتي اللي ضاعت ؟؟
مايا : مالها ؟
نيرة : طلعت عند لمى
مايا : يعني هي لسه فاكره تقول لك دلوقتي
نيرة : يمكن ماكانتش فاضيه او ماكانتش واخده بالها
مايا : ماشي
سائق التاكسي :هو ده الكافيه يا انسه ؟؟
مايا : اه هو
سائق التاكسي : طب اتفضلوا
نيرة وهي تمسك بيد مايا وتغمز لها : يلا
~~~~~~
في الكافيه
عمر وهو ينهض : اهلا .. ازيك يا انسه نيرة ؟؟
نيرة : الحمد لله .. اهلا
عمر : بجد كان نفسي اقابل حضرتك من زمان
واخذوا يتبادلوا اطراف الحديث
~~~~~~
دونغهي بسعادة : ايه ده ؟؟ يا سبحان الله .. بقالك ربع ساعه ماندهتش
عليا .. سيون عقل من ورايا ولا ايه ؟؟
سيون وهو يسند على مكتبه : كنت لسه هنادي عليك دلوقتي
دونغهي بإحباط : خير ؟؟
سيون : كنت عايز اسالك .. ايه اخبار ميزانية الشركة ؟؟
دونغهي : كويسه وبتسلم عليك
سيون : هضربك بحاجة
دونغهي : خلاص ياعم .. كويسه .. بس هو انت ندهتلي علشان كده بس
سيون بإبتسامه : احبك وانت فاهمني
دونغهي : استر يا إلهي
سيون : ماتخافش ماتخافش
دونغهي : خير ؟؟
سيون : طبعا انت عارف ان ريم زعلانه مني
دونغهي في داخله : طب كنت افتكر لنا ربع جنيه مخروم احسن لا نلاقيها
طابة علينا دلوقتي
سيون : سرحت في ايه ؟
دونغهي : معاك يا معلم .. كمل
سيون : فأنا عايز اصالحها بأه
دونغهي : حاسس ان فيه كارثة جاية
سيون وهو يحاول اخفاء ضحكته : مش اللي في بالك على فكره
مش هطلب منك هدايا
دونغهي بإستغراب : احلف ؟ اقصد .. اومال عايز ايه ؟؟
سيون : كنت عايز امشي بدري النهارده ساعتين
دونغهي وهو يتنهد : كنت قول كده من بدري
سيون : فأنت بقى هتقعد مكاني هنا وهتمضي بدالي كل الملفات اللي
هتدخلها لمى وطبعا لما اجي بكره لازم تكون خلصت التقارير اللي طلبتها منك
دونغهي : حسبي الله ونعم الوكيل
~~~~~~
عمر : انا بجد اتشرفت بحضرتك جدا
نيرة : شكرا وانا كمان
مايا : وانا كمان
نيرة : انتي ايه ؟
مايا : ما اعرفش بس انا كمان وخلاص
عمر وهو يحاول كتم ضحكته : هي كده علطول بتحب المشاركة
نيرة : اه فعلا .. انا هستأذن دلوقتي بأه
عمر : هاه ؟؟ ياريت .. اقصد ليه كده ؟
نيرة وهي تضحك : هسيبك تتكلم معاها بأه شويه وبصراحه انا فيه مكان
عايزه اروحه
عمر : طب تحبي اوصلك ؟؟
نيرة : لا شكرا انا حابه اروح لوحدي
عمر : اتفضلي
~~~~~
امام الشركة
نيرة وهي تتحدث في الهاتف مع لمى : انا تحت الشركه دلوقتي ..
ماتتأخريش .. يلا مستنياكي باي
كان يقف في الناحية الاخرى سيون وبما ان صوت نيرة يرتفع قليلا وهي
تتحدث في الهاتف فأخذ ينظر حوله وكانت هي مستديرة الى ناحية الشركه ولكنها تمشي
ذهابا وايابا واخذ هو ينظر لها وكآنه لم يرها من سنوات عديدة كان يريد ان يركض
اليها ويحتضنها ولكنه مقيد لا يمكنه فعل ذلك فأخذ ينظر لها دون حركه ولاحظ انها
تلوح بيديها ناحية الشركة وعندما نظر بإتجاه الشركة اتضح انها كانت تلوح لـ لمى
لمى بصوت مرتفع : تعاااااااااااااااااااااااالي
نيرة وهي تضحك : خرمتي ودنننننننني .. جاااااااااااااااااااااايه
وعندما نزلت نيرة من على الرصيف لتعبر الشارع لاحظ سيون سيارة مسرعة
تتجه ناحية نيرة والفرق بينهما ليس كبير فإتسعت عيناه بذعر واخذ ينادي بإسمها ولكن
صوته لم يكن عالي بما فيه الكفاية ليصل لإذن نيرة .. سيون عندما يفزعه شيء يتكلم
بصعوبة وصوته يكون بالكاد يمكنه ان يسمع احد يلزق اذنه على فم سيون وفجآه ركض
سريعا نحو نيرة ودفعها الى الرصيف وسقط فوقها على الارض
سيون وهو ينهض بثقل : انتي كويسه ؟؟
نيرة وهي تفتح عينها ببطئ : سيون
سيون : اتأذيتي ؟؟
نيرة وهي تخفض رآسها : لا .. شكرا .. الجاكيت بتاعك اتقطع بسببي ..
انا معايا ابرة وخيط تحب اصلحهولك ؟؟
سيون وهو يخلع الجاكيت : ياريت
لمى وهي تمشي ببطئ ناحية نيرة وسيون : نيرة يا حبيبتي انتي كويسه ؟؟
نيرة : ماتقلقيش
لمى وهي تمد يدها لـ نيرة : اتفضلي.. انا مضطرة ادخل دلوقتي انا اسفه
نيرة : ولا يهمك
سيون : ياريت تصلحي الجاكيت بسرعه لآنني مستعجل
نيرة : ماشي اديهولي
سيون : هنا ؟؟
نيرة : اه
سيون : لا تعالي في جنينة الشركة احسن
نيرة بحرج : ماشي
بعد مرور 30 دقيقة
نيرة وهي تعطي الجاكيت لـ سيون : خلاص خلصت
سيون وهو يرتدي الجاكيت : شكرا
نيرة : بس انت ليه عملت كده ؟
سيون وهو يدير ظهره لـ نيرة : لو كانت أي واحده غيرك كنت هعمل معاها
نفس اللي عملته معاكي
نيرة : ماشي .. بعد ازنك
بعد ابتعاد نيرة خطوات ليست بقليلة عن سيون سقط سيون ارضا ووضع يداه
على عينيه وبكى
~~~~~~
في اليوم التالي
عمر : واطير وارفرف في الفضا واسبح في الدنيا الفضا
مايا وهي تضحك : اتجننت خلاص ؟؟ بركة ياخويا
عمر : انا كده في اعقل حالاتي
مايا : اومال لما تتجنن هتعمل ايه ؟؟
عمر وهو يغمز لـ مايا : مصرة تعرفي ؟؟
مايا بحرج : لا مش لازم
عمر : طب هسيبك انا بأه دلوقتي علشان عندي محاضرة .. لو حد قال لك
تعالي اوديكي لـ عمر ماتروحيش معاه
مايا وهي تضحك : يلا يا اهبل
~~~~~~
منى : بجد اسعدتيني بالخبر ده
.. الف مبروك
نيرة : الله يبارك في حضرتك
منى : وانتي بأه ؟؟
نيرة بحرج : انا ايه ؟؟
منى : انتي مافيش حد في حياتك
نيرة : لا
منى : طب مافيش حد في قلبك ؟
نيرة بضحكة اصطناعية : لا برضوا
منى : ربنا يرزقك بالزوج الصالح
~~~~~~
ريم : سيون اصحى بأه انا بقالي ساعه بحاول اصحيك
سيون : مش هصحى وماتحاوليش تصحيني تاني
ريم : مش هتروح الشركة ؟
سيون : لا
ريم بسعادة : يبقى هتخرجني
سيون وهو ينظر لـ ريم نظرة غضب : اطلعي واقفلي الباب وراكي
ريم : طب البس الشيميز الاحمر ولا الدريل الازرق ؟؟
سيون : تلبسي ليه ؟
ريم : علشان هتخرجني
سيون : مين قال كده ؟؟
ريم : انت قلت
سيون : انا ماقلتش كده
ريم بحزن : يعني مش هتخرجني ؟
سيون وهو ينهض : خلاص البسي الدريل الازرق
ريم وهي تعانق سيون : انت احسن جوز في الدنيا
سيون وهو يبعد ريم : ماشي .. شكرا
ريم : ممكن تخليني كده شويه ؟؟
سيون : ازاي يعني
ريم : اقصد ماتبعدنيش .. عايزاك تكون في حضني
سيون وهو يحاول ان يخفي حدته : ماشي .. خليكي
~~~~~~
في المساء
ريم وهي تتنهد وتبتسم بحزن : رومانسي اوي
سيون : ايه ؟؟
ريم وهي تنظر لـ سيون بحزن : بتكلم على المكان
سيون : آآه
ريم بحزن : سيون .. انا عارفه ان انا مش في قلبك .. عارفه كده كويس
سيون : ايه اللي بتقوليه ده
ريم وهي تبتسم : دي الحقيقه .. ومع ذلك اتمنى انك ما تعاملنيش بقسوه
وتتفهم احساسي ..
سيون : ريم
ريم وهي تضع يدها على فم سيون : سيون .. ممكن تسمح لي ادخل قلبك
سيون : اسف .. انا مش هقدر اتحكم في قلبي
ريم وهي تنظر لـ سيون بعينين دامعتين : سيون .. انت حبي الاول
~~~~~
بعد مرور 6 اشهر
دخلت مايا غرفتها هي ونيرة وكانت تبكي وجلست على الفراش بجانب نيرة
اللتي كانت نائمه وارتفعت صوت بكائها الى ان استيقظت نيرة
نيرة وهي تنهض بفزع : ايه فيه ايه ؟؟ حصل ايه
مايا وهي تبكي : عمر
نيرة بفزع : مات ؟؟
مايا : لا
نيرة : عمل حادثة ؟؟
مايا : لا
نيرة : حد مات عنده ؟
مايا : لا
نيرة : طب ماتقولي فيه ايه بدل ما ارميكي من هنا ( واشارت الى الشباك
)
مايا : اتخانق معايا لأنني لبست ضيق
نيرة : اطلعي برا
مايا : اروح فين
نيرة وهي تدفع مايا خارج الغرفة : اطلعي من هنا وخلاص لانني مش عايزه
ارتكب جريمة النهاردة
مايا : طب ممكن ترتكبيها بكره ؟
نيرة وهي تصرخ : برااا
~~~~~
دونغهي وهو يدخل الى مكتب سيون : برنس الليالي
سيون وهو يلف بكرسيه : استر يارب
دونغهي وهو يضحك : هيستر هيستر
سيون : عايز ايه ؟؟
دونغهي وهو يجلس على مكتب سيون : عايزك تمضيلي هنا
سيون : ده ايه ده ؟؟
دونغهي : اجازة اسبوعين
سيون وهو ينهض : نعم ياخويا ؟؟
دونغهي : زي ما سمعت كده بالظبط
سيون : لا
دونغهي : هو ايه اللي لا ؟؟
سيون : مافيش اجازات
دونغهي : ايه ده يعني مش هفسح صحبتي
سيون : ودي نمرة كام ان شاء الله ؟؟
دونغهي : 8 .. خلاص يناسبك اسبوع ؟؟
سيون وهو يقترب الى اذن دونغهي : حلوه ؟؟
دونغهي : مزه
سيون : خلاص هديك 3 ايام بالعدد لو اتاخرت عن كده هيتخصم شهر من مرتبك
دونغهي : تمام ياباشا .. حسبي الله ونعم الوكيل
سيون : بتقول ايه ؟؟
دونغهي : لا ابدا بقول الاهي ربنا يعلي مراتبك كمان وكمان
سيون وهو يضحك : طب امشي من هنا يا ام اسماعيل عندي شغل
دونغهي : ماشي ياباشا
~~~~~
نيرة : مساء الخير
منى وهي تحتسى فنجان قهوة : مساء النور .. اومال فين مايا .. هي لسه
بتعيط ؟؟
نيرة : ايه ده عرفتي ازاي انها كانت بتعيط
منى : شفتها وهي نازلة الصبح ورجعت علطول وهي بتعيط
نيرة وهي تضحك : مافيش جديد
منى وهي تضع قهوتها على الطاوله اللتي امامها : برضوا بسبب لبسها
الضيق
نيرة : بالظبط
منى وهي تضحك : العمر بيخلص وخناقاتهم بسبب لبس مايا مابتخلصش
نيرة : فعلا
~~~~~
في بيت عائلة ريم
والدة ريم وهي تضع يدها على بطن ريم : هاه مافيش حاجه ؟؟
ريم : ايه
والدة ريم وهي تضحك : اقصد مافيش حاجه جاية في الطريق يعني
ريم : لا
والدة ريم بحزن : حاسه اني هموت قبل ما اشوف احفادي
ريم : ماتقوليش كده هزعل منك
والدة ريم : بقالك 7 شهور متجوزه ومافيش حاجه .. تروحي لدكتور ؟؟
ريم : ايه يا ماما احنا لسه ماكملناش سنه حتى
والدة ريم : يعني لو عدت سنه وما حصلش حمل هتوافقي تروحي لدكتور ؟
ريم وهي تتنهد : اه
والدة ريم : ماشي
ريم وهي تخفض راسها : ماما
والدة ريم : نعم
ريم بحزن : ادعيلي
~~~~~~
في المساء
مايا بسعادة : يا جماعة يا جماعة عمر صالحني
منى : هاه ؟؟ قال لك ايه المره دي ؟
مايا : بصوا هو لما لقاني زعلانة ومكشرة قال لي الشمس اللي بتنور
حياتي غربت وحياتي بقت ضلمه و مش هتشرق غير لما تضحكي .. مش هتشرقي ؟؟ فأنا قلتله
اشرق ازاي يعني .. فقال لي ابتسامتك هي شروقي .. اشرقي بأه فضحكت فقال لي كده الشمس
اشرقت
منى : يارب تكونوا فرحانين دايما
بينما تستمع نيرة لكلمات مايا دمعت عيناها وكادت ان تبكي واخفضت رأسها
لكي لا يلاحظها احد
مايا وهي تميل برأسها قليلا : نيرة ؟؟
نيرة وهي ترفع رأسها : نعم
مايا : ماكنتيش سامعه ولا ايه ؟؟
نيرة بإبتسامة مصطنعة : لا سمعت
فلاش باك سنة
في حديقة الشركة
سيون وهو يضع يده على كتف نيرة : مش هتبصيلي ؟؟
نيرة بدلال : تؤتؤ
سيون : علشان خاطري
نيرة بنفس الدلال : لاء انا زعلانة منك
سيون : ليه بس كده
نيرة : شفتك بتهزر مع سكرتيرة دونغهي
سيون : هي اللي هزرت معايا
نيرة : كداااب .. زعلانة منك
سيون : تفتكري هقدر اعيش وانتي زعلانة مني ؟؟
نيرة : ماليش دعوة
سيون : كده الشمس اللي بتنور حياتي غربت
نيرة وهي تلتف : ازاي يعني ؟؟
سيون : ضحكتك هي الشمس اللي بتنور حياتي .. لما مش بتضحكي الشمس بتغرب
نيرة : اممم
سيون : خلي الشمس تشرق وترجع تنور حياتي تاني
نيرة وهي تبتسم : بجد انا بالنسبة لك كده ؟؟
سيون بسعادة : كده الشمس بدأت تشرق
نيرة وهي تضحك بسعادة : طب وكده
سيون وهو يقترب من نيرة ليعانقها : كده الشمس اشرقت
نيرة وهي تضع يديها على صدر سيون لكي لا يعانقها : بس يا مجنون افرض
حد شافنا
سيون : اديكي قلتيها .. انا مجنون
نيرة وهي تطبع قبله خفيفه على خد سيون : احلى مجنون في العالم
سيون وهو يضع يده على مكان القبله : تفتكري انا هقدر اركز بقيت اليوم
بعد دي ؟؟
نيرة وهي تضحك و تبتعد عن سيون : ماليش دعوه .. اتصرف انت بأه
~~~~~~
مايا : سرحتي تاني ؟؟
نيرة بنفس الابتسامة المصطنعة : لا يا حبيبتي .. ربنا يخليكوا لبعض
يارب
مايا بسعادة : يارب
منى : انا هقوم ارتاح شويه دلوقتي
نيرة : ماشي
منى اثناء ما كانت تحاول النهوض وقعت على كرسيها
نيرة بفزع : حضرتك كويسه ؟؟
منى بصعوبة : م.. مش قادره ات..نف..س
مايا وهي تمسك بهاتفها : طب اعمل ايه يا نيرة دلوقتي .. اتصل بالإسعاف
ولا اعمل ايه ؟؟
سعاد وهي تركض بفزع : فيه ايه .. مالها المدام
نيرة : مش عارفه تتنفس
سعاد بحدة : وانتوا واقفين تتفرجوا عليها ؟؟ اطلبوا الاسعاف فورا
مايا : حاضر .. بس رقمها كام ؟
سعاد وهي تشد الهاتف من يد مايا : انا هطلبها
~~~~~
امام الفيلا
المسعف : ماينفعش حد يركب معاها الا واحده بس
سعاد : انا هركب معاها
منى وهي تأشر على نيرة وتتحدث بصعوبة : ن.. يرة .. تعا..لي ا..نتي
نيرة وهي تصعد سيارة الاسعاف : انا جنبك اهو
منى وهي تمد يدها لنيرة : ني..رة
نيرة وهي تقرب اذنها لفم منى : نعم
منى : انا .. اس..فه
نيرة بتعجب : على ايه
المسعف : لو سمحتي يا مدام ماتتكلميش لانه خطر عليكي
ضمت منى يد نيرة وابتسمت لها بعينان دامعتان مما اثار دهشة نيرة من
تصرف منى الغريب
~~~~
في المشفى بعد تحسن حالة منى قليلا
الطبيب : عارفه انك محتاجه تركبي دعامات
منى : عارفه .. وعارفه ان العمليه نسبة فشلها اكبر من نسبة نجاحها
الطبيب : بس لسه فيه نسبة نجاح
منى : وانا لسه حالتي ماسائتش للدرجة دي
الطبيب : بس
منى مقاطعة للطبيب : هقدر اخرج من هنا امتى ؟؟
الطبيب : ممكن تخرجي بكره بس هيكون فيه حاجات هتتمنعي عنها وهيكون فيه
علاج هتمشي عليه والاحسن انك تركبي الدعامات
منى : اكتب لي العلاج ده لو سمحت واديه للانسه اللي واقفة برا
وبالنسبة للممنوعات اكتبها واديهالي انا
الطبيب : حاضر يا مدام اللي تشوفيه
~~~~
سعاد : حضرتك عامله ايه دلوقتي
منى بإبتسامه مصحوبة بتعب : الحمد لله .. احسن كتير
سعاد : مصرة تتعبي قلبي يا مدام منى وماتعمليش العملية
منى : دلوقتي انا عندي سبب اعيش علشانه ..حتى لو هعيش متألمه انا
موافقه .. بس اعيش
سعاد : السبب ده هو نيرة ؟؟
منى بصوت متقطع : آه .. نيرة
سعاد وهي تتنهد : طب مش ده الوقت المناسب انها تعرف ؟؟
منى : لالا اوعي تقوليلها حاجة
سعاد : بس هي لازم تعرف
منى : لا مش دلوقتي
سعاد : اومال امتى بس ؟؟
منى : مش عارفه .. بس مايكونش دلوقتي وخلاص
~~~~
ليست هناك تعليقات:
إرسال تعليق